QR Ulttyq banki 2022 jylǵy naýryzdaǵy infliatsiialyq ahýal boiynsha saýalnamanyń nátijesin jariialady, dep habarlaidy QazAqparat.
«Infliatsiianyń sandyq baǵalaýy 2022 jylǵy naýryzda aldaǵy bir jylǵa 11,4% qurady. Aldaǵy 12 aida baǵanyń aǵymdaǵy ósý qarqynynyń jedeldeýi nemese saqtalýy bolatynyn respondentterdiń 63 paiyzy aitqan. Aldaǵy bir jylda baǵanyń ósýi bolady dep paiymdaǵan respondentter muny negizinen aiyrbas baǵamynyń ózgerýimen, azyq-túlik baǵasynyń qymbattaýymen jáne syrtqy oqiǵalarmen bailanystyrady», - delingen Ulttyq bank málimetinde.
Sonymen birge, respondentterdiń 51% ótken aida baǵanyń ózgerissiz nemese qalypty ósýin atap ótti. Ótken aida baǵanyń ósýin atap ótken respondentterdiń kópshiligi azyq-túlik ónimderin tańdady, olardyń úlesi 86 paiyzdy qurady.
«Azyq-túlik qurylymynda respondentterdiń úlesiniń ósýi nan-toqash jáne et ónimderi, ósimdik maiy men jumyrtqadan basqa barlyq pozitsiialar boiynsha baiqaldy. Respondentter úlesiniń artýy qant, sút ónimderi, irimshik jáne shujyqtar, alkogolsiz sýsyndar, shai jáne kofe siiaqty taýarlar boiynsha kórindi», - dep atalyp ótken UB habarlamasynda.
2022 jylǵy naýryzda jinaqtary bar halyqtyń úlesi 21 paiyzdy qurady. Respondentterdiń kópshiligi jinaqtaýdy qalyptastyrý úshin qazirgi kezeńdi beitarap baǵalap otyr (jaqsy da, jaman da emes) – 39%. Jinaqtary bar respondentterde jalpy alǵanda sońǵy jyly jinaqtyń ózgermeitindigi jáne tómendegeni (tiisinshe 35% jáne 32%) atap ótildi.
Ulttyq bank málimetine qaraǵanda, saýalnamaǵa qatysqandardyń negizgi bóligi ótken 12 aida jeke materialdyq jaǵdaiyn ózgerissiz dep aitsa (respondentterdiń 53%), respondentterdiń 36% teris baǵa berdi.
Eldiń qysqa merzimdi jáne uzaq merzimdi damýyna qatysty optimizm tómendedi. Eldiń damý perspektivalaryn bir jylǵa jáne 5 jylǵa oń baǵalaityn respondentterdiń úlesi tiisinshe 45% jáne 44% (aqpanda – 52 jáne 50%) quraidy.
Respondentterdiń 28% aldaǵy bir jylda jeke qarjylyq jaǵdaiynyń jaqsaratynyn (aqpanda – 39%) alǵa tartsa, al 27 paiyzy nasharlaidy dep paiymdaidy (13%).
