قر ۇلتتىق بانكٸ 2022 جىلعى ناۋرىزداعى ينفلياتسييالىق احۋال بويىنشا ساۋالنامانىڭ نەتيجەسٸن جارييالادى, دەپ حابارلايدى قازاقپارات.
«ينفلياتسييانىڭ ساندىق باعالاۋى 2022 جىلعى ناۋرىزدا الداعى بٸر جىلعا 11,4% قۇرادى. الداعى 12 ايدا باعانىڭ اعىمداعى ٶسۋ قارقىنىنىڭ جەدەلدەۋٸ نەمەسە ساقتالۋى بولاتىنىن رەسپوندەنتتەردٸڭ 63 پايىزى ايتقان. الداعى بٸر جىلدا باعانىڭ ٶسۋٸ بولادى دەپ پايىمداعان رەسپوندەنتتەر مۇنى نەگٸزٸنەن ايىرباس باعامىنىڭ ٶزگەرۋٸمەن, ازىق-تٷلٸك باعاسىنىڭ قىمباتتاۋىمەن جەنە سىرتقى وقيعالارمەن بايلانىستىرادى», - دەلٸنگەن ۇلتتىق بانك مەلٸمەتٸندە.
سونىمەن بٸرگە, رەسپوندەنتتەردٸڭ 51% ٶتكەن ايدا باعانىڭ ٶزگەرٸسسٸز نەمەسە قالىپتى ٶسۋٸن اتاپ ٶتتٸ. ٶتكەن ايدا باعانىڭ ٶسۋٸن اتاپ ٶتكەن رەسپوندەنتتەردٸڭ كٶپشٸلٸگٸ ازىق-تٷلٸك ٶنٸمدەرٸن تاڭدادى, ولاردىڭ ٷلەسٸ 86 پايىزدى قۇرادى.
«ازىق-تٷلٸك قۇرىلىمىندا رەسپوندەنتتەردٸڭ ٷلەسٸنٸڭ ٶسۋٸ نان-توقاش جەنە ەت ٶنٸمدەرٸ, ٶسٸمدٸك مايى مەن جۇمىرتقادان باسقا بارلىق پوزيتسييالار بويىنشا بايقالدى. رەسپوندەنتتەر ٷلەسٸنٸڭ ارتۋى قانت, سٷت ٶنٸمدەرٸ, ٸرٸمشٸك جەنە شۇجىقتار, الكوگولسٸز سۋسىندار, شاي جەنە كوفە سيياقتى تاۋارلار بويىنشا كٶرٸندٸ», - دەپ اتالىپ ٶتكەن ۇب حابارلاماسىندا.
2022 جىلعى ناۋرىزدا جيناقتارى بار حالىقتىڭ ٷلەسٸ 21 پايىزدى قۇرادى. رەسپوندەنتتەردٸڭ كٶپشٸلٸگٸ جيناقتاۋدى قالىپتاستىرۋ ٷشٸن قازٸرگٸ كەزەڭدٸ بەيتاراپ باعالاپ وتىر (جاقسى دا, جامان دا ەمەس) – 39%. جيناقتارى بار رەسپوندەنتتەردە جالپى العاندا سوڭعى جىلى جيناقتىڭ ٶزگەرمەيتٸندٸگٸ جەنە تٶمەندەگەنٸ (تيٸسٸنشە 35% جەنە 32%) اتاپ ٶتٸلدٸ.
ۇلتتىق بانك مەلٸمەتٸنە قاراعاندا, ساۋالناماعا قاتىسقانداردىڭ نەگٸزگٸ بٶلٸگٸ ٶتكەن 12 ايدا جەكە ماتەريالدىق جاعدايىن ٶزگەرٸسسٸز دەپ ايتسا (رەسپوندەنتتەردٸڭ 53%), رەسپوندەنتتەردٸڭ 36% تەرٸس باعا بەردٸ.
ەلدٸڭ قىسقا مەرزٸمدٸ جەنە ۇزاق مەرزٸمدٸ دامۋىنا قاتىستى وپتيميزم تٶمەندەدٸ. ەلدٸڭ دامۋ پەرسپەكتيۆالارىن بٸر جىلعا جەنە 5 جىلعا وڭ باعالايتىن رەسپوندەنتتەردٸڭ ٷلەسٸ تيٸسٸنشە 45% جەنە 44% (اقپاندا – 52 جەنە 50%) قۇرايدى.
رەسپوندەنتتەردٸڭ 28% الداعى بٸر جىلدا جەكە قارجىلىق جاعدايىنىڭ جاقساراتىنىن (اقپاندا – 39%) العا تارتسا, ال 27 پايىزى ناشارلايدى دەپ پايىمدايدى (13%).
