Sońǵy eki jylda ǵylymdy qarjylandyrý 2 esege ósken. Bul týraly QR Premer-Ministri Álihan Smaiylov aitty, dep habarlaidy QazAqparat.
Úkimet otyrysynda Premer-Ministr ǵylym salasyndaǵy qyzmetkerlerdi kásibi merekesimen quttyqtady.
«Búgin elimiz Ǵylym kúnin atap ótedi. Elimizde otandyq ǵylymdy damytý jolynda eńbek etip júrgen barlyq qyzmetkerlerdi kásibi merekesimen quttyqtaimyn! Sizderge tyń ǵylymi jańalyqtar, jumystaryńyzǵa zor tabys jáne sáttilik tileimin! Búgingi Úkimet otyrysynda otandyq ǵylymdy damytý máselesin qaraimyz», - dedi Álihan Smaiylov Úkimettiń búgingi otyrysynda.
Onyń aitýynsha, elimizde sońǵy eki jylda respýblikalyq biýdjetten ǵylymdy qarjylandyrý shamamen 2 esege ósip, 84 mlrd teńgeni qurady.
Onyń ústine memlekettik qarjyny ǵylymi jobalarǵa bólý quzyreti ǵalymdardyń ózderine berilgen.
«Qazir qazaqstandyq ǵalymdardyń ǵylymi jumystary kóbeiip keledi. Olardyń zertteý eńbekteri elimizben qatar, shet memleketterde de laiyqty baǵalanyp otyr. Mysaly koronavirýs infektsiiasyna qarsy óz vaktsinasy bar 6 eldiń qatarynda Qazaqstannyń bolýy otandyq ǵylymnyń áleýeti qanshalyqty zor ekenin kórsetedi. Pandemiia kezinde bul vaktsinany kóptegen azamattarymyz saldyrdy, ol basqa elderge de jiberildi. QazVac-tyń basty artyqshylyǵy – tiimdiligi joǵary, qaýipsiz ári jeńil ótedi. Onyń ústine vaktsina erekshe saqtaý sharttaryn qajet etpeidi. Biz ǵylymǵa jańa lep ákelgen óz vaktsinamyzdy maqtan tutamyz! Bul – shyn máninde bizdiń ǵalymdarymyzdyń úlken jeńisi!», - dedi Úkimet basshysy.
Óz sózinde Á. Smaiylov otandyq ǵylymnyń halqymyzdyń ómir sapasyn jaqsartýǵa eleýli úles qosýy qajettigin atap ótti.
«Ǵylym salasyndaǵy baǵdarlamalyq qujattardyń barlyǵy osyǵan baǵyttalǵan. Ǵalymdardy qoldaý, infraqurylymdy damytý, ǵylymdy vedomstvoaralyq úilestirý jónindegi keshendi sharalar «Tsifrlandyrý, ǵylym men innovatsiialar esebinen tehnologiialyq serpilis» atty ulttyq jobada kózdelgen. Ulttyq jobany iske asyrý ǵalymdar men olardyń ǵylymi jumystarynyń sanyn arttyrýǵa, zertteý institýttarynyń jabdyqtaryn jańartýǵa múmkindik beredi. Ótken jyldan beri jyl saiyn 500 ǵalym álemniń jetekshi ǵylymi ortalyqtaryna baryp, taǵylymdamadan ótedi», - dedi ol.
Jyl saiyn «Jas ǵalym» jobasy aiasynda 1000 grant bólinedi.
«Biz 2025 jylǵa qarai ǵylymdy qarjylandyrýda jekemenshik qarjynyń úlesin 50%-ke deiin ulǵaitýymyz kerek. IT, meditsinalyq-biologiialyq salalarda, agroónerkásiptik keshende, «jasyl» tehnologiialarda, taý-ken ǵylymy men metallýrgiiada 5 iri ǵylymi-óndiristik ortalyq qurylady. Búgingi tańda óńdeý ónerkásibin damytý men joǵary tehnologiialyq óndiristerdi qurýda ǵylymnyń róli erekshe. Bul eńbek ónimdiligi men halyqtyń tabysyn arttyrýǵa múmkindik beredi», - dedi Álihan Smaiylov.
