Qazaqstanda et ónimderin tutyný jylyna 7%-ǵa artqan. Ortasha eseppen bir qazaqstandyq azamat 21 keli et jegen, dep habarlaidy Energyprom.kz portaly.
2020 jyldyń úshinshi toqsanynda ár qazaqstandyq ortasha eseppen 21,3 keli et jáne et ónimin tutynǵan. Bul 2020 jyldyń ekinshi toqsanymen salystyrǵanda 1 kelige artyq, al 2019 jyldyń úshinshi toqsanymen salystyrsaq 1,4 kelige kóp.
2020 jyldyń úshinshi toqsanynda et pen et ónimderiniń barlyq túrin tutyný artqan. Ár qazaqstandyq siyr etin (5,7 kg, − 0,2 kg), et týramasyn (2,4 kg, + 0,2 kg) jáne qoi etin (1,9 kg, + 0,2 kg) kóbirek satyp alǵan.
Etti paidalaný Qazaqstannyń barlyq óńirinde artty. Etti eń qatty jaqsy kóretin Qaraǵandy oblysynyń turǵyndary bolyp shyqty, onda ár turǵyn ortasha eseppen 26,8 keli et jegen. Odan keiingi oryndarda Aqmola oblysy (25,4 kg) men Almaty (25,2 kg) tur.
Etti tutyný 2020 jyldyń úshinshi toqsanynda Qaraǵandy oblysy (+3,3 kg), Nur-Sultan (+2,7 kg) jáne Jambyl oblysynda (+2,3 kg) artqan.
Etke suranys kóbeigendikten, elde et baǵasy da aitarlyqtai ósken. Et pen et ónimderiniń barlyq túri qymbattady. Al taýyq eti kerisinshe bir jylda 5%-ǵa, kelisine 789 teńgege deiin arzandaǵan.
Jyl ishinde eń qatty qymbattaǵan qoi eti eken: birden 16,2%, kelisine - 1990,3 teńgege deiin. Jylqy etiniń de baǵasy óskeni baiqalady: 11,9%-ǵa, kelisine - 2271,8 teńgege. Qazaqstandyqtar arasynda tanymal siyr eti 8%-ǵa, kelisine 1947,4 teńgege qymbattady.
