قازاقستاندا ەت ٶنٸمدەرٸن تۇتىنۋ جىلىنا 7%-عا ارتقان. ورتاشا ەسەپپەن بٸر قازاقستاندىق ازامات 21 كەلٸ ەت جەگەن, دەپ حابارلايدى Energyprom.kz پورتالى.
2020 جىلدىڭ ٷشٸنشٸ توقسانىندا ەر قازاقستاندىق ورتاشا ەسەپپەن 21,3 كەلٸ ەت جەنە ەت ٶنٸمٸن تۇتىنعان. بۇل 2020 جىلدىڭ ەكٸنشٸ توقسانىمەن سالىستىرعاندا 1 كەلٸگە ارتىق, ال 2019 جىلدىڭ ٷشٸنشٸ توقسانىمەن سالىستىرساق 1,4 كەلٸگە كٶپ.
2020 جىلدىڭ ٷشٸنشٸ توقسانىندا ەت پەن ەت ٶنٸمدەرٸنٸڭ بارلىق تٷرٸن تۇتىنۋ ارتقان. ەر قازاقستاندىق سيىر ەتٸن (5,7 كگ, − 0,2 كگ), ەت تۋراماسىن (2,4 كگ, + 0,2 كگ) جەنە قوي ەتٸن (1,9 كگ, + 0,2 كگ) كٶبٸرەك ساتىپ العان.
ەتتٸ پايدالانۋ قازاقستاننىڭ بارلىق ٶڭٸرٸندە ارتتى. ەتتٸ ەڭ قاتتى جاقسى كٶرەتٸن قاراعاندى وبلىسىنىڭ تۇرعىندارى بولىپ شىقتى, وندا ەر تۇرعىن ورتاشا ەسەپپەن 26,8 كەلٸ ەت جەگەن. ودان كەيٸنگٸ ورىنداردا اقمولا وبلىسى (25,4 كگ) مەن الماتى (25,2 كگ) تۇر.
ەتتٸ تۇتىنۋ 2020 جىلدىڭ ٷشٸنشٸ توقسانىندا قاراعاندى وبلىسى (+3,3 كگ), نۇر-سۇلتان (+2,7 كگ) جەنە جامبىل وبلىسىندا (+2,3 كگ) ارتقان.
ەتكە سۇرانىس كٶبەيگەندٸكتەن, ەلدە ەت باعاسى دا ايتارلىقتاي ٶسكەن. ەت پەن ەت ٶنٸمدەرٸنٸڭ بارلىق تٷرٸ قىمباتتادى. ال تاۋىق ەتٸ كەرٸسٸنشە بٸر جىلدا 5%-عا, كەلٸسٸنە 789 تەڭگەگە دەيٸن ارزانداعان.
جىل ٸشٸندە ەڭ قاتتى قىمباتتاعان قوي ەتٸ ەكەن: بٸردەن 16,2%, كەلٸسٸنە - 1990,3 تەڭگەگە دەيٸن. جىلقى ەتٸنٸڭ دە باعاسى ٶسكەنٸ بايقالادى: 11,9%-عا, كەلٸسٸنە - 2271,8 تەڭگەگە. قازاقستاندىقتار اراسىندا تانىمال سيىر ەتٸ 8%-عا, كەلٸسٸنە 1947,4 تەڭگەگە قىمباتتادى.
