Qazaqstanda sońǵy 5 jylda esirtkige táýeldi adamdardyń sany 35%-ǵa azaiǵan, dep habarlaidy QazAqparat tilshisi.
«Qazaqstanda ońtústik shekarany tekserý quraldarymen qamtý boiynsha birqatar aýqymdy sharalar qabyldandy. Ońtústik shekaranyń ótkizý pýnkti ǵana emes barlyq perimetri qorǵanys jáne baqylaý júiesimen qamtylǵan. Nátijesinde júrgizilgen sharalardyń tiimdiligine qol jetkizildi. Buǵan turaqtylyq pen Qazaqstandaǵy esirtkige táýeldilerdiń azaiǵandyǵy dálel», - dedi QR IIM esirtki biznesine qarsy kúres jáne esirtki ainalymyn baqylaý departamentiniń ókili Ivan Dobryshin.
Onyń aitýynsha, Qazaqstandaǵy esirtki tutynýshylardyń sany barlyq sanat boiynsha sońǵy 5 jylda 35%-ǵa azaiǵan.
«Qazir kezekte 23,5 myń esirtkige táýeldi adam tirkeýde tur. Onyń ishinde 124-i kámelet jasyna tolmaǵandar, al 1735-i áielder. Osy aralyqta esirtkiniń zańsyz ainalymyna qarsy kúres boiynsha 19 myńnan astam esirtki qylmysy jasalǵan. Onyń 13 myńy saýdaǵa qatysty bolsa, 1300-den astamy esirtki kontrabandasyna bailanysty zańbuzýshylyqtar. Zańsyz ainalymnan 185 tonnadan astam túrli preparat alyndy», - dedi I.Dobryshin.
