Qyzylorda oblysynyń prokýroratýrasy el aýmaǵynda esirtki saýdalaǵan saitty buǵattady, dep habarlaidy "Ult aqparat" vedomstvonyń baspasóz qyzmetine silteme jasap.
Oblystyq prokýratýrada esirtki ainalymyna qarsy kúres máseleleri boiynsha quqyq qorǵaý, arnaiy organdardyń jáne densaýlyq saqtaý mekemeleriniń ókilderinen quralǵan vedomstvoaralyq jumys tobynyń nátijesi talqylandy.
Qadaǵalaý organynyń úilestirýimen jumys toby jastar kóp shoǵyrlanatyn jerlerde reidter, oqýshylar men stýdentter arasynda túsindirme jumystaryn jáne ǵalamtor keńistigi men áleýmettik jelilerge monitoring júrgizdi.
Osy jumystyń nátijesinde Qazaqstan aýmaǵynda esirtki zattarynyń kóptegen túrin (Sativa «Y», Moroccan Caramello, Afghan, Blackberry Kush, Jack Herer, Green Crack, Diamond OG, AK-47, Sour Bubble) jarnamalap, olardy taratqan Cannabis-kz.ml saity anyqtaldy.
Bul saitta esirtkini onlain ámiianǵa aqsha salý arqyly satyp alýǵa bolatyn. Sonymen qatar, saitta 950 myń teńge jalaqymen diller jáne jetkizýshi qyzmetkeri izdestirilgen.
Oblystyq prokýratýranyń usynýy boiynsha Aqparat jáne kommýnikatsiialar ministrligi atalǵan saitty buǵattady.
