Densaýlyq saqtaý ministrligi Qazaqstanda epidemiia sharyqtaý shegine jetpegenin jariia etti, dep habarlaidy "Ult aqparat".
«Keiingi tórt kúnde koronavirýs juqtyrýdyń jańa jaǵdailarynyń báseńdegenin baiqaimyz. Áitse de Qazaqstanda epidemiia sharyqtaý shegine jetpegenin aita ketý kerek. Karantin sharalarynyń arqasynda Nur-Sultan men Almaty qalalarynda virýsty juqtyrǵandar sany toqtap qaldy. Biraq basqa óńirlerde epidemiianyń beleń alyp bara jatqany baiqalady. Shamamen Qazaqstanda epidemiianyń shyrqaý shegi – bir-eki aptanyń ishinde bolady degen boljam jasalyp otyr», - dedi Botagóz Jaqselekova onlain rejimde OKQ-da ótken baspasóz máslihatynda.
Onyń aitýynsha koronavirýsty anyqtaý boiynsha adamdar toby da belgilengenin atap ótti.
«Olar - keiingi eki aida sýyq tiip, aýyrǵan adamdar. Test olarda koronavirýstyń bar-joǵyn anyqtap beredi. Biraq qazirgi ýaqytta koronavirýspen aýyratyn adamdarǵa ekspres-testterdiń belgili bir dárejede ziian ekenin aita ketý kerek. Eger adamnyń aǵzasynda antidene bolmasa test ony kórsetedi», - dedi ol.
Sońǵy málimet boiynsha, Qazaqstanda 802 naýqas bar. Vedomstvo ókiliniń aitýynsha, 137 adamǵa virýs basqa elden juqqan. 539 adam virýs juqqan naýqaspen aralasyp, dertke shaldyqqan. 126 adamnan pnevmoniia, jedel respiratorlyq virýs infektsiiasy belgileri baiqalyp, analiz tapsyrǵan kezde koronavirýs tabylǵan.
Qazir 712-i infektsiialyq aýrýhanada emdelip jatyr. Bir adamnyń jaǵdaiy - óte aýyr (Almaty). 17 adamnyń jaǵdaiy - aýyr, 107-iniki - ortasha aýyr. 80 paiyzynyń jaǵdaiy jaqsy.
Naýqastarmen bailanysta bolǵan 23 myńnan astam anyqtalǵan. 90 paiyzy tabylyp, oqshaýlanǵan.
Qazaqstanda koronavirýspen kúres sharalaryna úkimet rezervinen 17 mlrd teńge bólingen. Ministrliktiń aitýynsha, bul qarajat dári-dármek, qorǵanysh kiim, qural-jabdyqtaryn satyp alý, naýqastardy tasymaldaý, test shyǵarý, test satyp alý, dezinfektsiia jumystaryn júrgizý jáne ózge de sharalarǵa jumsalǵan.
