QR Premer-Ministri Asqar Maminniń tóraǵalyǵymen ótken Úkimet otyrysynda elimizdegi epidemiologiialyq ahýal qaraldy. Koronavirýs infektsiiasynyń taralýymen kúres boiynsha aǵymdaǵy jaǵdai jáne elimizde qabyldanyp jatqan sharalar týraly densaýlyq saqtaý ministri Aleksei Tsoi baiandady, dep habarlaidy "Ult aqparat" primeminister.kz saityna silteme jasap.
Ministr baiandaǵandai, qazirgi kezde koronavirýs infektsiiasymen syrqattanýshylyq boiynsha epidemiologiialyq ahýaldy turaqtandyrýǵa qol jetkizildi. 9 qyrkúiekte COVID-19 nátijesi oń bolǵan 106 498 naýqas tirkeldi, sońǵy táýlikte 73 adam tirkeldi. 4 810 adam em alýda, 100 042 adam aýrýhanadan shyǵaryldy(94%), 1 646 adam qaitys boldy.
Sonymen qatar, QR-da koronavirýstyq infektsiianyń (PTR-) 28 228 yqtimal jaǵdaiy tirkelgen. Qatań shekteý sharalarynyń arqasynda 5 shildeden bastap tósek-oryndardyń qamtylýy 6 esege, onyń ishinde reanimatsiialyq tósek-oryndardyń bos bolmaýy 6,6 esege, sondai-aq KVI qatysty jedel meditsinalyq kómekti shaqyrý sany 5,5 esege azaidy.
Emhanalar úide qyzmet kórsetý formatyna kóshti, mobildi brigadalardyń sany 7,6 ese ósti, búginde 3640 mobildi brigada quryldy jáne búkil el boiynsha jumys isteidi.
«Bizdiń elimizdegi, Eýropanyń birqatar elindegi jaǵdaidy turaqtandyrý aiasynda, tamyzdyń basynan koronavirýs infektsiiasynyń Aziiada taralýynyń kúrt ósýi baiqalady. Mysaly, aýrýdyń ósýi Italiiada, Avstriiada, Ispaniiada, Germaniiada, Ońtústik Koreiada, Túrkiiada da baiqalyp otyr. TMD elderinde aýrýshańdyqtyń ortasha ósimi 0,5% qurady, bul Qazaqstandaǵydan 5 ese joǵary», — dedi Tsoi.
DDSU-nyń pikirinshe, elderdiń Úkimetteri belsendi kóshbasshylyq róldi alýy kerek, al adamdar shekteý sharalaryn saqtaýy: maska kiip, jappai is-sharalarǵa barmaýy kerek.
«DDSU Bas direktory Tedros Gebreisýstyń aitýynsha, "bul - sońǵy pandemiia emes. Tarih bizge aýrýdyń órshýi men pandemiianyń ómirdiń bir bóligi ekenin úiretedi". Shveitsariianyń Qoǵamdyq densaýlyq saqtaý Federaldy basqarmasy Qazaqstandy odan qaityp oralǵannan keiin karantindi saqtaý qajet elder tiziminen shyǵarǵanyn atap ótken jón. Bul rette, Shveitsariiaǵa basqa elderden kelgen adamdar karantinge jiberiledi. Bul elderdiń tizimi 7 qyrkúiekte jańartyldy. Bul COVID-19-men kúresýdiń jáne Qazaqstandaǵy aǵymdaǵy epidemiologiialyq jaǵdaidy turaqtandyrýdyń taktikasynyń durys tańdalǵanyn kórsetedi.
Aýrýdyń taralýyn boldyrmai, jaǵymdy dinamikany saqtaý úshin birqatar shekteý sharasy men demalys kúnderdegi lokdaýndar kúshinde qalady», — dedi ministr.
Sondai-aq, ministrlik kúzgi maýsymǵa daiyndyqty qamtamasyz etý boiynsha sharalar qabyldaýda. El boiynsha tósek-oryndar sany kovidke arnalǵan 54 178 tósek-oryndy quraidy, bul qoldanystaǵy 16 304 infektsiialyq tósek-oryn, 2 790 jańa salynyp jatqan nysan jáne basqa statsionarlardaǵy 32 064 tósek-oryn. Reanimatsiialyq tósek-oryn sany 2 981 quraidy.
2020 jylǵy 9 qyrkúiektegi jaǵdai boiynsha QR boiynsha 19 066 infektsiialyq tósek-oryn jumys isteidi, 15%-y — qamtylǵan.
Reanimatsiialyq tósek-oryn 14% qamtylǵan. Qazirgi ýaqytta infektsiialyq jáne provizorlyq statsionarlarda 3 379 ÓJJ apparaty bar, qosymsha taǵy 2 619 birlik satyp alynady, onyń ishinde otandyq óndiristiń 1 500 apparaty bar. A. Tsoi málimdegendei, búgingi kúni respýblikada 21 566 tósek-oryn ottegimen qamtamasyz etilgen, bul rette qosymsha 9300 tósek-oryndy qamtamasyz etý josparlanýda, onyń 6400-i jergilikti biýdjet jáne demeýshilik qarajat esebinen, 2900-y respýblikalyq biýdjet qarajaty esebinen.
Jetkizý kestesine sáikes, qyrkúiek aiynda 8600 aparatty jáne qazan aiynda qalǵan 700 apparatty jetkizýdi aiaqtaý josparlanýda.
Jedel meditsinalyq kómek qyzmetin 2020 jyly «QDB-Lizing» AQ qarjy lizingi tetigi arqyly otandyq óndiristiń 1 167 sanitarlyq avtokóligimen jabdyqtaý josparlanýda, jetkizýdi aǵymdaǵy jyldyń qarashasyna deiin aiaqtaý josparlanýda.
MSAK mobildi brigadalarynyń jumysy jalǵasýda. Búgingi tańda respýblika boiynsha 3640 mobildi top jumys isteidi, shilde aiynda olardyń sany 1612 bolǵan.
Vedomstvo basshysynyń aitýynsha, aýyl turǵyndarynyń qoljetimdiligin arttyrý 100 jyljymaly meditsinalyq keshen satyp alý esebinen júzege asyrylady. Óńirlerge JMK aǵymdaǵy jyldyń 1 qazanyna deiin jetkiziledi dep kútilýde.
«Búgingi kúni aýdandyq aýrýhanalarda 132 rentgen apparaty bar. Qazirdiń ózinde Shyǵys Qazaqstan, Atyraý, Qaraǵandy oblystary rentgen apparattarymen 100% qamtamasyz etilgen. Aýdandyq aýrýhanalardy qosymsha jaraqtandyrý úshin 11 óńirde qosymsha 53 birlik otandyq óndiristiń rentgen apparattaryn satyp alý josparlanýda. Sondai-aq, qosymsha 15 infektsiialyq statsionar ashylady. 3,1 myń tósek-oryndyq 13 modýldik juqpaly aýrýlar aýrýhanasyn salýdy aiaqtaý josparlanýda», — dedi Tsoi.
Qazaqstan Respýblikasy Prezidentiniń tapsyrmasy boiynsha dári-dármekpen qamtamasyz etý máseleleri boiynsha birqatar shuǵyl sharalar qabyldady.
Birinshi: óńirler pandemiia kezinen bastap 14 mlrd teńge somasyna 91 dári-dármektiń ataýy boiynsha qosymsha qajettilik jariialady. 2020 jyldyń 22 shildesinen bastap búkil el boiynsha infektsiialyq jáne provizorlyq ortalyqtarda qor quryldy. Biryńǵai distribiýtor 11,44 mlrd teńge somasyna 91 ataýly dári-dármektijóneltti, ol dárilik zattar men meditsinalyq buiymdardyń satyp alynǵan qosymsha kólemi esebinen jedel tolyqtyrylyp otyrady.
Ekinshi: dári-dármekterdiń azaimaityn eki ailyq qoryn qalyptastyrý. Biryńǵai distribiýtor statsionarlardaǵy 60 000-ǵa jýyq patsientti emdeý úshin8,2 mlrd teńge somasyna 44 suranysqa ie dári-dármek satyp alady. Bul shara ekinshi tolqynda KVI emdeý úshin dárilik zattar boiynsha rezerv qurýǵa jáne qajettilik pen syrqattanýshylyqty josparlaýdaǵy problemalardy sheshýge múmkindik beredi.
Úshinshisi: ambýlatoriialyq deńgeide dári-dármekter tizimi keńeitildi. Jyl sońyna deiin 1 mln adamdy qamtityn dárilik zattardyń 5 ataýyn, qyzýdy túsiretin dáriler men antikoagýlianttardy qamtityn COVID-19 nozologiiasy engizildi. Bul shara infektsiialyq jáne provizorlyq ortalyqtardyń júktemesin jeńildetýge, ambýlatoriialyq deńgeide COVID-19 jeńil túrlerin emdeýge, halyqtyń dárilik zattardy satyp alýǵa jumsaityn shyǵyndaryn azaitýǵa, memlekettiń statsionarlyq emdeýge jumsaityn shyǵystaryn qysqartýǵa múmkindik beredi.
Tórtinshi: qazirgi ýaqytta zerthanalyq testileý qýaty zerthanalar sanyn 80-ge deiin arttyrý esebinen el boiynsha táýligine 40 000 testke deiin jetkizildi. Qazir 11 óńirdegi 25 veterinarlyq zerthana tartyldy, olar 20 myńǵa jýyq zertteý júrgizdi.
«Kezekti tolqynǵa daiyndyq maqsatynda zerthanalardyń qýatyn aǵymdaǵy jyldyń sońyna deiin táýligine 63 myńǵa deiin arttyrý josparlanýda. JRVI men tumaýdyń maýsymdyq ósýi jaqyndap keledi. Aǵymdaǵy epidmaýsymǵa Biryńǵai distribiýtor "SQ-Farmatsiia" JShS tumaýǵa qarsy vaktsinanyń 2 199 990 dozasyn satyp aldy, bul respýblikanyń halqynyń 11%-yn qamtýǵa múmkindik beredi», — dedi A. Tsoi.
Ministr sondai-aq júrek-qan tamyry júiesi men tynys alý músheleriniń sozylmaly aýrýlaryna shaldyqqan adamdar, jii aýyratyn balalar, júkti áielder, ata-anasynyń qamqorlyǵynsyz qalǵan balalarǵa arnalǵan bilim berý uiymdarynyń balalary, meditsinalyq-áleýmettik mekemelerdiń qyzmetin alýshylar, meditsina qyzmetkerleri vaktsinatsiialaýǵa jatatynyn eske saldy.
«Ákimderge aǵymdaǵy jyldyń 15 qyrkúieginen bastap tumaýǵa qarsy egýdi bastaý boiynsha sharalar qabyldaý qajet. Budan basqa, iri jumys berýshilermen jumys berýshilerdiń qarajaty esebinen kásiporyn jumyskerlerin tumaýǵa qarsy egýmen qamtý boiynsha jumys júrgizý qajet. Bul tumaýǵa qarsy vaktsinatsiiamen qamtýdy 14%-ǵa deiin jetkizýge múmkindik beredi», — dedi ministr.
Eldiń COVID-19-ǵa qarsy vaktsinaǵa qajettiligin qamtamasyz etý úshin vaktsinatsiialaýǵa jatatyn qaýip toptary anyqtaldy: bul 60 jastan asqan sozylmaly aýrýlary bar adamdar, meditsina qyzmetkerleri, pedagogtar. Respýblika boiynsha aldyn ala sany 2 790 000 adamdy quraidy, bul barlyq halyqtyń 15%-yn quraidy, eki dozalyq kúntizbe boiynsha 5 580 000 doza qajet bolady.
Ministrlik mynadai vaktsinalardy: reseilik «Spýtnik V» vaktsinasyn, «AstraZeneca» kompaniiasynyń Oksford vaktsinasyn, qazaqstandyq vaktsinany jáne t. b. yqtimal satyp alý boiynsha jumys júrgizýde.
«Biz eldegi jáne árbir óńirdegi epidemiologiialyq jaǵdaiǵa turaqty monitoring júrgizemiz. Óńirlerge baǵyttalǵan aýrýdyń jaǵdaiyn baǵalaý jáne onyń damýyn boljaý ádistemesi jasaldy. Endi árbir óńir epidemiologiialyq jaǵdaidy ár aýdanǵa deiin, ol nasharlaǵan kezde jedel sharalar qabyldai otyryp, óz betinshe baǵalai alady», - dep túiindedi Tsoi.
