Qazaqstanda elektrondy ónim óndiretin 64 kásiporyn jumys isteidi. Bul týraly QR Premer-Ministri Asqar Maminniń tóraǵalyǵymen ótken keńeste aityldy.
primeminister.kz habarlaýynsha, Qazaqstanda elektrondy ónim óndiretin 64 kásiporyn jumys isteidi. Saladaǵy jumyskerler sany – 1,6 myń adam. 2019 jyly elektrondy ónerkásip ónimderin óndirý kólemi 44,5 mlrd teńgeni qurap, 2018 jylmen salystyrǵanda 35%-ǵa artty. Bul rette jalpy import kólemin eskergende, atalǵan ónimderdiń jergilikti qamtý úlesi (1 trln teńgege jýyq) nebári 4% quraidy.
Elektrondy ónerkásip salasynda búgingi tańda jańa tolyq daiyn ónimderdi: baspa platalaryn («S.M. Kirov atyndaǵy zaýyt» AQ), telekommýnikatsiia jabdyqtaryn («Digital System Servis» JShS), sýdy, jylý men jaryqty esepteitin elektrondy quraldardy, derekterdi symsyz jetkizýge arnalǵan modýlderdi («Korporatsiia Saiman» JShS, «Orion-sistema» JShS jáne t.b.), kompiýterlerdi («S.M. Kirov atyndaǵy zaýyt» AQ, «PS4U» JShS jáne t.b.), tsifrlyq beinekameralardy («Perspektiva» ǴÓB, «NG Vision» JShS), radiostantsiialardy («RTS Injiniring» JShS) shyǵarý igerilgen.
Elektrondy ónerkásipte otandyq qamtýdy odan ári arttyrýdy yntalandyrý maqsatynda otandyq óndirýshilermen offteik-kelisimsharttardy arttyrý, saýda jelileri arqyly otandyq qurastyrylǵan kompiýterlerdi satyp alý úshin jeńildikpen nesielendirýdi engizý, elektrondy ónerkásip salasyndaǵy ǴZTKJ-ǵa qarjy bólý jáne t.b. arqyly memlekettik qoldaýdyń qosymsha sharalary qabyldanatyn bolady.
2024 jylǵa qarai elektrondy ónerkásiptegi óndiristiń ortasha jyldyq kólemin 382,6 mlrd teńgege (ósim – 8,5 ese), eksport kólemin 45 mlrd teńgege, memlekettik jáne kvazimemlekettik sektorlardaǵy satyp alýda jergilikti qamtý úlesin sáikesinshe 30% jáne 20% deiin jetkizý maqsaty qoiyldy. 60 myńnan asa jańa jumys orny qurylyp, ortasha jyldyq ósimi 28 myń adamdy quraityn bolady.
Keńeske qatysýshylar Memleket basshysy Qazaqstan halqyna arnaǵan Joldaýynda qoiǵan tsifrlyq teńsizdikti joiý jáne áleýmettik áljýaz otbasylardan shyqqan balalardy kompiýter tehnikasymen qamtamasyz etý boiynsha mindetterdi iske asyrýǵa erekshe kóńil bóldi.
