Foto:elements.envato.com
Qazaqstanda elektrondy temeki men veipke tyiym salý usynyldy, - dep habarlaidy Tengrinews.kz.
"Ashyq NQA" saitynda "Qazaqstan Respýblikasynyń keibir zańnamalyq aktilerine densaýlyq saqtaý máseleleri boiynsha ózgerister men tolyqtyrýlar engizý týraly" Qazaqstan Respýblikasy Zań jobasynyń tujyrymdamasy berilgen. Qujatta elektrondy temeki ainalymyna tyiym salý normasy usynylǵan.
"Qazaqstanda veipter baqylaýsyz, barlyq jerde qoljetimdi baǵamen, jasóspirimder men jastarǵa satylyp jatyr. Sondyqtan eldegi ósý qarqyny joǵary.
Árbir bólshek saýda dúkeninde bir veiptiń baǵasy 2000 teńgeden aspaidy", - delingen habarlamada.
Máselen, Qazaqstan Respýblikasynyń "Halyq densaýlyǵy jáne densaýlyq saqtaý júiesi týraly" kodeksinde veipterdi satýǵa, ashyq kórsetýge, olardy 21 jasqa tolmaǵan adamdarǵa satýǵa tyiym salý týraly norma qarastyrylǵan.
"Jasóspirimder men balalar arasynda veipterdi kóp tutynyp, elde veiping indetine shaldyqqandar kóp bolǵandyqtan elektrondyq temekilerdi taratýǵa, satýǵa tyiym salý týraly erejeni engizý usynyldy", - delingen jariialanǵan qujatta.
