Qazaqstanda bir jylda elektr energiiasy 7 paiyzǵa qymbattady. Bul týraly Energyprom habarlady.
«Elektr energiiasyn eń kóp tutynatyn óńirler - Pavlodar, Qaraǵandy jáne Almaty oblystary. 2020 jyly elde 107,9 mlrd kVt/saǵat elektr energiiasy óndirildi. Bul – bir jyl burynǵy kórsetkishten 1,9 paiyzǵa artyq. Generatsiia kóleminiń basym bóligi Pavlodar, Qaraǵandy, Shyǵys Qazaqstan oblystaryna tiesili» delingen habarlamada.
Kásiporyndardyń ishinde elektr energiiasyn eń kóp óndiretini - «Bolat Nurjanov atyndaǵy Ekibastuz GRES-1» JShS (19,5 mlrd kVt/saǵat — bir jyl burynǵy kórsetkishten 6,4%-ǵa artyq).
Odan keiingi oryndarda «EEK» AQ (14 mlrd kVt/saǵat, bir jyl burynǵy kórsetkishten 1,8%-ǵa artyq) jáne «Ekibastuz stansasy GRES-2 (5 mlrd kVt/saǵat, bir jyl burynǵy kórsetkishten 0,9%-ǵa artyq) tur.
«2020 jylǵy jeltoqsanda elektr energiiasy bir jyl burynǵydan qaraǵanda 6,5 paiyzǵa qymbattady. Baǵanyń jyldyq ósimi ásirese elorda, BQO, Qostanai oblystarynda baiqaldy. Al Mańǵystaý jáne Shyǵys Qazaqstanda tarif sol kúiinde qalǵan» delingen habarlamada.
