Ekologiia, geologiia jáne tabiǵi resýrstar ministri Maǵzum Myrzaǵaliev Úkimet múshelerine óńirlerdegi ekologiialyq problemalardy sheshýge baǵyttalǵan is-sharalar keshenin tanystyrdy, dep habarlaidy "Ult aqparat".
Ministr jańa Ekologiialyq kodekstiń Parlament Májilisinde ekinshi oqylymda qabyldanǵanyn eske saldy.
Onyń aitýynsha, jańa kodeks qorshaǵan ortaǵa keletin ziiandy edáýir tómendetýge baǵyttalǵan.
«Áitse de, jańa Ekologiialyq kodeksti kútpei «Halyq únine qulaq asatyn memleket» tujyrymdamasyn negizge ala otyryp, ekologiialyq problemalar men olardy sheshý joldaryn barlyq óńirdegi jurtshylyqpen, ásirese ekobelsendilermen birge qarastyrdyq. Barlyǵy 17 onlain kezdesý ótkizildi. 25 myńǵa jýyq adam qatysty. Talqylaý nátijesi boiynsha jurtshylyqpen, ákimdiktermen jáne tabiǵat paidalanýshylarmen birlesip, 17 jol kartasy ázirlendi. Bul qujattarda óńirlerdegi ekologiialyq ahýaldy jaqsartý jónindegi naqty sharalar qarastyrylǵan», - dedi Maǵzum Myrzaǵaliev.
Ministr bul turǵyda negizgi ekologiialyq problemalardy atady.
Bul - atmosferalyq aýa men jer betindegi sýdyń lastanýy, qaldyqtarmen bailanysty jumystyń jetilmegen júiesi, sondai-aq ejelden lastanǵan jerler men kógaldandyrýdyń jetispeýshiligi.
