Senattyń jalpy otyrysynda Densaýlyq saqtaý ministri Aleksei Tsoi sheteldik vaktsinany jetkizý men otandyq farmatsevtikalyq zaýattarǵa qatysty túsinik berdi, dep habarlaidy QazAqparat tilshisi.
Palatanyń jalpy otyrysynda shetelden jetkizilgen KVI-ǵa qarsy vaktsina qymbattaý ekeni aityldy. Osy oraida sheteldik vaktsinany satyp alý otandyq vaktsina óndirisine keri áser etýi táýekeline qatysty suraq qoiyldy. Senatta keltirilgen málimetke qaraǵanda, eki komponetten turatyn Hayat-vax 62,2 dollar, «Spýtnik» – 26 dollar, otandyq QazVac - 9,4 dollar somasynda turady.
Óz kezeginde ministr Tsoi vaktsina boiynsha belgilengen qun óndirýshiniń ózi qoiǵan baǵamen belgilengenin atap ótti.
«Bizge qysqa merzimde Qazaqstan naryǵynda vaktsinanyń qoljetimdigin qamtamasyz etý jáne adamdarǵa tańdaý jasaýǵa múmkindik berý óte mańyzdy. Óndirýshilermen kelissózder barysynda vaktsina jetkizýde tapshylyq bar ekenin bilesizder, iaǵni ár óndirýshi tiisti limit qoiǵan. Bizdiń maqsat - qysqa merzimde Qazaqstan halqyn vaktsinamen barynsha qamtamasyz etý. Sondyqtan bul jumystar júrgizilip jatyr jáne bul vaktsinalar elimizde immýndaý baǵdarlamasymen qamtylǵan», - dedi ministr.
Sonymen qatar ol preparattar shyǵaratyn óndiris alańdary jumysyna toqtaldy.
«Qazirgi kezde óndiristik qýattar vaktsina shyǵarýǵa qaita baǵdarlandy. Bul óndiristik alańdar sonymen qatar onkologiialyq ári basqa da aýrýlardy emdeýge arnalǵan biologiialyq preparattardy shyǵarady. Sondyqtan zaýyttardyń jabylýy problemasy bolmaidy. Barlyq zaýyttar kópfýnktsiialy jáne preparattardyń keńeitilgen tizbegin óndiredi», - dedi Tsoi.
«Vaktsinalaýdyń ózi bir rettik aktsiia emes, ekpe jasaý turaqty júrgiziledi. Bizde 20-dan astam vaktsina jyl saiynǵy ekpe kúntizbesine engizilgen. Sondyqtan Qazaqstanda otandyq farmatsevtikalyq indýstriiany damytýǵa aýqymdy áleýet bar», - dedi ministr.
