سەناتتىڭ جالپى وتىرىسىندا دەنساۋلىق ساقتاۋ مينيسترٸ الەكسەي تسوي شەتەلدٸك ۆاكتسينانى جەتكٸزۋ مەن وتاندىق فارماتسەۆتيكالىق زاۋاتتارعا قاتىستى تٷسٸنٸك بەردٸ, دەپ حابارلايدى قازاقپارات تٸلشٸسٸ.
پالاتانىڭ جالپى وتىرىسىندا شەتەلدەن جەتكٸزٸلگەن كۆي-عا قارسى ۆاكتسينا قىمباتتاۋ ەكەنٸ ايتىلدى. وسى ورايدا شەتەلدٸك ۆاكتسينانى ساتىپ الۋ وتاندىق ۆاكتسينا ٶندٸرٸسٸنە كەرٸ ەسەر ەتۋٸ تەۋەكەلٸنە قاتىستى سۇراق قويىلدى. سەناتتا كەلتٸرٸلگەن مەلٸمەتكە قاراعاندا, ەكٸ كومپونەتتەن تۇراتىن Hayat-vax 62,2 دوللار, «سپۋتنيك» – 26 دوللار, وتاندىق QazVac - 9,4 دوللار سوماسىندا تۇرادى.
ٶز كەزەگٸندە مينيستر تسوي ۆاكتسينا بويىنشا بەلگٸلەنگەن قۇن ٶندٸرۋشٸنٸڭ ٶزٸ قويعان باعامەن بەلگٸلەنگەنٸن اتاپ ٶتتٸ.
«بٸزگە قىسقا مەرزٸمدە قازاقستان نارىعىندا ۆاكتسينانىڭ قولجەتٸمدٸگٸن قامتاماسىز ەتۋ جەنە ادامدارعا تاڭداۋ جاساۋعا مٷمكٸندٸك بەرۋ ٶتە ماڭىزدى. ٶندٸرۋشٸلەرمەن كەلٸسسٶزدەر بارىسىندا ۆاكتسينا جەتكٸزۋدە تاپشىلىق بار ەكەنٸن بٸلەسٸزدەر, ياعني ەر ٶندٸرۋشٸ تيٸستٸ ليميت قويعان. بٸزدٸڭ ماقسات - قىسقا مەرزٸمدە قازاقستان حالقىن ۆاكتسينامەن بارىنشا قامتاماسىز ەتۋ. سوندىقتان بۇل جۇمىستار جٷرگٸزٸلٸپ جاتىر جەنە بۇل ۆاكتسينالار ەلٸمٸزدە يممۋنداۋ باعدارلاماسىمەن قامتىلعان», - دەدٸ مينيستر.
سونىمەن قاتار ول پرەپاراتتار شىعاراتىن ٶندٸرٸس الاڭدارى جۇمىسىنا توقتالدى.
«قازٸرگٸ كەزدە ٶندٸرٸستٸك قۋاتتار ۆاكتسينا شىعارۋعا قايتا باعدارلاندى. بۇل ٶندٸرٸستٸك الاڭدار سونىمەن قاتار ونكولوگييالىق ەرٸ باسقا دا اۋرۋلاردى ەمدەۋگە ارنالعان بيولوگييالىق پرەپاراتتاردى شىعارادى. سوندىقتان زاۋىتتاردىڭ جابىلۋى پروبلەماسى بولمايدى. بارلىق زاۋىتتار كٶپفۋنكتسييالى جەنە پرەپاراتتاردىڭ كەڭەيتٸلگەن تٸزبەگٸن ٶندٸرەدٸ», - دەدٸ تسوي.
«ۆاكتسينالاۋدىڭ ٶزٸ بٸر رەتتٸك اكتسييا ەمەس, ەكپە جاساۋ تۇراقتى جٷرگٸزٸلەدٸ. بٸزدە 20-دان استام ۆاكتسينا جىل سايىنعى ەكپە كٷنتٸزبەسٸنە ەنگٸزٸلگەن. سوندىقتان قازاقستاندا وتاندىق فارماتسەۆتيكالىق يندۋسترييانى دامىتۋعا اۋقىمدى ەلەۋەت بار», - دەدٸ مينيستر.
