Qarjy ministri Erulan Jamaýbaev 2022 jylǵa arnalǵan dollardyń eseptik baǵamy men infliatsiia dálizi bir apta ishinde qaita qaralatynyn aitty, - dep habarlaidy Tengrinews.kz tilshisi.
Qarjy ministrliginiń basshysy qazir vedomstvo Ulttyq bankpen birlesip biylǵa arnalǵan respýblikalyq biýdjetti naqtylaýǵa daiyndalyp jatqanyn atap ótti.
"Negizgi parametrler: dollardyń eseptik baǵamy, infliatsiia dálizi. Bul máseleler osy aptada talqylanady. Biýdjet jobasyn jasaǵan kezde bul san belgili bolady. Qazir aita almaimyn. Muny Ulttyq bankpen boljap, baǵam boiynsha, belgili bir taýarlar men qyzmetterdiń ósýi boiynsha qarastyrý kerek. Bir apta ishinde belgili bolady", - dep naqtylady Jamaýbaev Úkimet kýlýarynda.
