Qazaqstanda demalys kúnderi — 20-21 maýsym aralyǵynda shekteý sharalary kúsheitiledi. Bul týraly QR Premer-Ministriniń Baspasóz qyzmeti.
QR Premer-Ministri Asqar Maminniń tóraǵalyǵymen QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń (VAK) selektorlyq otyrysy ótti. QR Prezidenti Qasym-Jomart Toqaevtyń tapsyrmasyna sáikes Qazaqstandaǵy epidemiologiialyq jaǵdaidy turaqtandyrý boiynsha qosymsha sharalar qaraldy.
Elimizdegi sanitarlyq-epidemiologiialyq ahýal týraly densaýlyq saqtaý ministriniń mindetin atqarýshy L. Aqtaeva, óńirlerdegi jaǵdai týraly Nur-Sultan qalasynyń ákimi A. Kólginov, Almaty qalasynyń ákimi B. Saǵyntaev, Qaraǵandy oblysynyń ákimi J. Qasymbek, Aqmola oblysynyń ákimi E. Marjyqpaev, Túrkistan oblysynyń ákimi Ó. Shókeev baiandady.
Qazaqstannyń birqatar óńirinde epidemiologiialyq jaǵdaidyń órshýin jáne koronavirýs infektsiiasymen aýyrý kórsetkishiniń artýyn eskere otyryp, VAK biylǵy 20-21 maýsym, demalys kúnderine, mynadai qosymsha shekteý sharalaryn engizý týraly sheshim qabyldady:
1. Nur-Sultan, Almaty, Qaragandy, Shymkent, Pavlodar, Ekibastuz qalalary boiynsha:
• saýda oiyn-saýyq ortalyqtarynyń, saýda úileriniń, jelilik dúkenderdiń, jabyq azyq-túlik jáne basqa da bazarlardyń qyzmeti toqtatylady;
• qoǵamdyq tamaqtaný oryndary tek daladaári áleýmettik araqashyqtyqty saqtap qana jumys isteýi tiis;
• qoǵamdyq kólikterdiń qyzmeti shekteledi;
• qoǵamdyq demalys oryndary: parkter, saiabaqtar, jaǵalaýlar, jaǵajailar, akvaparkter qyzmeti toqtatylady;
• fitnes-ortalyqtarynyń qyzmeti toqtatylady;
• 65 jastan asqan adamdardyń dalaǵa shyǵýy shektelsin.
2. Turǵyndarynyń sany 50 myńnan asatyn eldi mekender boiynsha:
• qoǵamdyq oryndardyń: parkter, saiabaqtar, jaǵalaýlar, jaǵajailar, akvaparkter jumysy toqtatylady;
• 65 jastan asqan adamdardyń dalaǵa shyǵýy shektelsin.
3. Óńirlerdiń bas sanitarlyq dárigerleriniń qaýlylaryna sáikes, Nur-Sultan, Almaty, Qaraǵandy, Shymkent, Pavlodar jáne Ekibastuz qalalaryna aýmaqtyq jaqyn ornalasqan týristik aimaqtarǵa kirýge tyiym salý al atalǵan aimaqtardaǵy adamdarǵa – áleýmettik qashyqtyqty saqtaý qajet.
Úkimet basshysy óńirlerdiń ákimdikterine qysqa merzim ishinde myna máselelerdi pysyqtaýdy tapsyrdy:
• meditsinalyq uiymdar bazasynda qosymsha zerthanalar ashý arqyly halyqty PTR-testileýmen qamtýdy keńeitý;
• aýrýhanalarda infektsiialyq jáne provizorlyq oryndar sanyn kóbeitý;
• menshik nysanyna qaramastan, óńirde bar resýrstardy tarta otyryp, naýqastardy KT-zertteýmen qamtamasyz etý;
• jedel meditsinalyq járdem stantsiialarynyń shuǵyl jáne kezek kúttirmeitin shaqyrýlarǵa ýaqytyly qyzmet kórsetýin qamtamasyz etý;
• úilerinde jatqan patsientterge ambýlatorlyq-emhanalyq kómek deńgeiinde sapaly dinamikalyq baqylaý jasaý (qashyqtan, mobildi brigadalardyń kómegimen);
• halyqqa belsendi aqparattyq-túsindirý jumystaryn júrgizý.
