قازاقستاندا دەمالىس كٷندەرٸ شەكتەۋ شارالارى كٷشەيتٸلەدٸ

قازاقستاندا دەمالىس كٷندەرٸ — 20-21 ماۋسىم ارالىعىندا شەكتەۋ شارالارى كٷشەيتٸلەدٸ. بۇل تۋرالى قر پرەمەر-مينيسترٸنٸڭ باسپاسٶز قىزمەتٸ.

قر پرەمەر-مينيسترٸ اسقار ماميننٸڭ تٶراعالىعىمەن قر اۋماعىندا كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ (ۆاك) سەلەكتورلىق وتىرىسى ٶتتٸ. قر پرەزيدەنتٸ قاسىم-جومارت توقاەۆتىڭ تاپسىرماسىنا سەيكەس قازاقستانداعى ەپيدەميولوگييالىق جاعدايدى تۇراقتاندىرۋ بويىنشا قوسىمشا شارالار قارالدى.

ەلٸمٸزدەگٸ سانيتارلىق-ەپيدەميولوگييالىق احۋال تۋرالى دەنساۋلىق ساقتاۋ مينيسترٸنٸڭ مٸندەتٸن اتقارۋشى ل. اقتاەۆا, ٶڭٸرلەردەگٸ جاعداي تۋرالى نۇر-سۇلتان قالاسىنىڭ ەكٸمٸ ا. كٶلگٸنوۆ, الماتى قالاسىنىڭ ەكٸمٸ ب. ساعىنتاەۆ, قاراعاندى وبلىسىنىڭ ەكٸمٸ ج. قاسىمبەك, اقمولا وبلىسىنىڭ ەكٸمٸ ە. مارجىقپاەۆ, تٷركٸستان وبلىسىنىڭ ەكٸمٸ ٶ. شٶكەەۆ باياندادى.

قازاقستاننىڭ بٸرقاتار ٶڭٸرٸندە ەپيدەميولوگييالىق جاعدايدىڭ ٶرشۋٸن جەنە كوروناۆيرۋس ينفەكتسيياسىمەن اۋىرۋ كٶرسەتكٸشٸنٸڭ ارتۋىن ەسكەرە وتىرىپ, ۆاك بيىلعى 20-21 ماۋسىم, دەمالىس كٷندەرٸنە, مىناداي قوسىمشا شەكتەۋ شارالارىن ەنگٸزۋ تۋرالى شەشٸم قابىلدادى:

1. نۇر-سۇلتان, الماتى, قاراگاندى, شىمكەنت, پاۆلودار, ەكٸباستۇز قالالارى بويىنشا:

• ساۋدا ويىن-ساۋىق ورتالىقتارىنىڭ, ساۋدا ٷيلەرٸنٸڭ, جەلٸلٸك دٷكەندەردٸڭ, جابىق ازىق-تٷلٸك جەنە باسقا دا بازارلاردىڭ قىزمەتٸ توقتاتىلادى;

• قوعامدىق تاماقتانۋ ورىندارى تەك دالاداەرٸ ەلەۋمەتتٸك اراقاشىقتىقتى ساقتاپ قانا جۇمىس ٸستەۋٸ تيٸس;

• قوعامدىق كٶلٸكتەردٸڭ قىزمەتٸ شەكتەلەدٸ;

• قوعامدىق دەمالىس ورىندارى: پاركتەر, ساياباقتار, جاعالاۋلار, جاعاجايلار, اكۆاپاركتەر قىزمەتٸ توقتاتىلادى;

• فيتنەس-ورتالىقتارىنىڭ قىزمەتٸ توقتاتىلادى;

• 65 جاستان اسقان ادامداردىڭ دالاعا شىعۋى شەكتەلسٸن.

2. تۇرعىندارىنىڭ سانى 50 مىڭنان اساتىن ەلدٸ مەكەندەر بويىنشا:

• قوعامدىق ورىنداردىڭ: پاركتەر, ساياباقتار, جاعالاۋلار, جاعاجايلار, اكۆاپاركتەر جۇمىسى توقتاتىلادى;

• 65 جاستان اسقان ادامداردىڭ دالاعا شىعۋى شەكتەلسٸن.

3. ٶڭٸرلەردٸڭ باس سانيتارلىق دەرٸگەرلەرٸنٸڭ قاۋلىلارىنا سەيكەس, نۇر-سۇلتان, الماتى, قاراعاندى, شىمكەنت, پاۆلودار جەنە ەكٸباستۇز قالالارىنا اۋماقتىق جاقىن ورنالاسقان تۋريستٸك ايماقتارعا كٸرۋگە تىيىم سالۋ ال اتالعان ايماقتارداعى ادامدارعا – ەلەۋمەتتٸك قاشىقتىقتى ساقتاۋ قاجەت.

ٷكٸمەت باسشىسى ٶڭٸرلەردٸڭ ەكٸمدٸكتەرٸنە قىسقا مەرزٸم ٸشٸندە مىنا مەسەلەلەردٸ پىسىقتاۋدى تاپسىردى:

• مەديتسينالىق ۇيىمدار بازاسىندا قوسىمشا زەرتحانالار اشۋ ارقىلى حالىقتى پتر-تەستٸلەۋمەن قامتۋدى كەڭەيتۋ;

• اۋرۋحانالاردا ينفەكتسييالىق جەنە پروۆيزورلىق ورىندار سانىن كٶبەيتۋ;

• مەنشٸك نىسانىنا قاراماستان, ٶڭٸردە بار رەسۋرستاردى تارتا وتىرىپ, ناۋقاستاردى كت-زەرتتەۋمەن قامتاماسىز ەتۋ;

• جەدەل مەديتسينالىق جەردەم ستانتسييالارىنىڭ شۇعىل جەنە كەزەك كٷتتٸرمەيتٸن شاقىرۋلارعا ۋاقىتىلى قىزمەت كٶرسەتۋٸن قامتاماسىز ەتۋ;

• ٷيلەرٸندە جاتقان پاتسيەنتتەرگە امبۋلاتورلىق-ەمحانالىق كٶمەك دەڭگەيٸندە ساپالى ديناميكالىق باقىلاۋ جاساۋ (قاشىقتان, موبيلدٸ بريگادالاردىڭ كٶمەگٸمەن);

• حالىققا بەلسەندٸ اقپاراتتىق-تٷسٸندٸرۋ جۇمىستارىن جٷرگٸزۋ.