Qazaqstanda farmatsevtikalyq ónimderdiń baǵasy on aidyń ishinde 13,3 protsentke kóterildi, dep habarlaidy Sputnik Qazaqstan agenttigi Energyprom.kz saityna silteme jasap.
Al keibir óńirde qymbatshylyq ortasha kórsetkishten de asyp ketti. Olar: Almaty +17 paiyz; Mańǵystaý oblysy - 17,1 paiyz; Aqtóbe oblysy +16,7 paiyz; Jetisý oblysy +16,2 paiyz; Jambyl oblysy -14,4 paiyz; Qyzylorda oblysynda eń tómengi kórsetkish tirkeldi. Ol jaqta dári-dármek 8,9 paiyzǵa qymbattady.
Biyl qańtar-qarasha ailarynda elimizde dári-dármekti óndirý kólemi 112 milliard teńgeni qurady. Bul ótken jylmen salystyrǵanda 13,2 paiyzǵa tómen. Osy ýaqyttyń ishinde Qazaqstanda bir milliard dollardyń dárisin syrttan ákelgen.
Import 17,3 paiyzǵa ósti. TMD elderine 101,3 million dollardyń dárisi jetkizildi. Birinshi orynda - Resei, odan keiin keiin - Belarýs pen Ýkraina.
Al TMD-ǵa kirmeitin memleketterden 12 500 tonna dári-dármek jetkizildi. Jalpy quny - 900 million dollar. Alǵashqy úshtikke Qytai, Germaniia men Úndistan kiredi.
