Qazaqstan dárihanalarynda bir jylda eń kóp qymbattaǵany – antiseptikter, baǵasy 17 paiyzǵa ósken. Sonymen birge ystyq túsiretin dáriler 8,5 paiyzǵa qymbattaǵan, dep habarlaidy energyprom.kz.
«2020 jyldyń qańtar-sáýir ailarynda Qazaqstannyń farmatsevtikalyq kompaniialary 41,9 mlrd teńgeniń negizgi farmatsevtikalyq ónimderin shyǵardy. Bul – bir jyl burynǵy uqsas kezeńmen salystyrǵanda 33,9 paiyzǵa kóp. Infliatsiiany esepke alǵanda shynaiy ósim 24,2 paiyzǵa teńesken. Sektordaǵy óndiristiń tórtten úsh bóligi (75,7%) úsh aimaqta, atap aitqanda, Almaty oblysy (11,6 mlrd tg, bir jyl ishinde +3,1%), Shymkent qalasy (11,4 mlrd tg, bir jyl ishinde +6,5%), Almaty qalasy (8,8 mlrd tg, bir jyl ishinde +39,3%) shoǵyrlanǵan», - delingen zertteýde.
Bul óńirlerde «AbdiIbahim GlobalFarm» JShS, «Kelun-KazPharm» JShS, «Dolce» JShS (Almaty oblysy), «Himfarm» (Santo) AQ, «Zerde-Fito» JShS, (Shymkent), «Nobel» Almaty farmatsevtikalyq fabrikasy, «Avrora» JShS, «Cheminnova Alimor Kazpharm» JShS, «Rapid-Alimor Pharm Industries» JShS, «Dosfarm» JShS (Almaty) sekildi iri kompaniialar jumys isteidi.
Jalpy dári-dármek óndirisiniń kólemi 37,9 mlrd teńgege jetken. Shynaiy ósim – ótken jylǵa qaraǵanda 50,4% kóp. Óndiristiń aýqymdy bóligi Shymkent qalasyna (11,4 mlrd tg) tiesili.
«2020 jyldyń mamyrynda farmatsevtikalyq preparattar 6,9 paiyzǵa (ótken jyldyń mamyrymen salystyrǵanda) qymbattady. Aimaqtardyń ishinde baǵalardyń ósýi Pavlodar oblysynda (bir jylda 9,4%), Aqmola oblysy (bir jylda 9,3%) men Shymkent qalasynda (bir jylda 9,2%) baiqalady. Preparattardyń ishinde aitarlyqtai baǵa ósimi antiseptikter (16,9%), ystyq túsiretin dáriler (8,5%), búirekti jazýǵa arnalǵan dáriler (7,4%) men antibiotikter (7,3%) boiynsha tirkeldi», - delingen energyprom.kz zertteýinde.
