قازاقستان دەرٸحانالارىندا بٸر جىلدا ەڭ كٶپ قىمباتتاعانى – انتيسەپتيكتەر, باعاسى 17 پايىزعا ٶسكەن. سونىمەن بٸرگە ىستىق تٷسٸرەتٸن دەرٸلەر 8,5 پايىزعا قىمباتتاعان, دەپ حابارلايدى energyprom.kz.
«2020 جىلدىڭ قاڭتار-سەۋٸر ايلارىندا قازاقستاننىڭ فارماتسەۆتيكالىق كومپانييالارى 41,9 ملرد تەڭگەنٸڭ نەگٸزگٸ فارماتسەۆتيكالىق ٶنٸمدەرٸن شىعاردى. بۇل – بٸر جىل بۇرىنعى ۇقساس كەزەڭمەن سالىستىرعاندا 33,9 پايىزعا كٶپ. ينفلياتسييانى ەسەپكە العاندا شىنايى ٶسٸم 24,2 پايىزعا تەڭەسكەن. سەكتورداعى ٶندٸرٸستٸڭ تٶرتتەن ٷش بٶلٸگٸ (75,7%) ٷش ايماقتا, اتاپ ايتقاندا, الماتى وبلىسى (11,6 ملرد تگ, بٸر جىل ٸشٸندە +3,1%), شىمكەنت قالاسى (11,4 ملرد تگ, بٸر جىل ٸشٸندە +6,5%), الماتى قالاسى (8,8 ملرد تگ, بٸر جىل ٸشٸندە +39,3%) شوعىرلانعان», - دەلٸنگەن زەرتتەۋدە.
بۇل ٶڭٸرلەردە «ابدييباحيم گلوبالفارم» جشس, «Kelun-KazPharm» جشس, «Dolce» جشس (الماتى وبلىسى), «حيمفارم» (Santo) اق, «زەردە-فيتو» جشس, (شىمكەنت), «نوبەل» الماتى فارماتسەۆتيكالىق فابريكاسى, «اۆرورا» جشس, «Cheminnova Alimor Kazpharm» جشس, «Rapid-Alimor Pharm Industries» جشس, «Dosfarm» جشس (الماتى) سەكٸلدٸ ٸرٸ كومپانييالار جۇمىس ٸستەيدٸ.
جالپى دەرٸ-دەرمەك ٶندٸرٸسٸنٸڭ كٶلەمٸ 37,9 ملرد تەڭگەگە جەتكەن. شىنايى ٶسٸم – ٶتكەن جىلعا قاراعاندا 50,4% كٶپ. ٶندٸرٸستٸڭ اۋقىمدى بٶلٸگٸ شىمكەنت قالاسىنا (11,4 ملرد تگ) تيەسٸلٸ.
«2020 جىلدىڭ مامىرىندا فارماتسەۆتيكالىق پرەپاراتتار 6,9 پايىزعا (ٶتكەن جىلدىڭ مامىرىمەن سالىستىرعاندا) قىمباتتادى. ايماقتاردىڭ ٸشٸندە باعالاردىڭ ٶسۋٸ پاۆلودار وبلىسىندا (بٸر جىلدا 9,4%), اقمولا وبلىسى (بٸر جىلدا 9,3%) مەن شىمكەنت قالاسىندا (بٸر جىلدا 9,2%) بايقالادى. پرەپاراتتاردىڭ ٸشٸندە ايتارلىقتاي باعا ٶسٸمٸ انتيسەپتيكتەر (16,9%), ىستىق تٷسٸرەتٸن دەرٸلەر (8,5%), بٷيرەكتٸ جازۋعا ارنالعان دەرٸلەر (7,4%) مەن انتيبيوتيكتەر (7,3%) بويىنشا تٸركەلدٸ», - دەلٸنگەن energyprom.kz زەرتتەۋٸندە.
