QR Úkimetiniń otyrysynda aýyl sharýashylyǵy birinshi vitse-ministri Qairat Aitýǵanov AÓK damytý memlekettik baǵdarlamasyn iske asyrý barysy týraly baiandady, dep habarlaidy "Ult aqparat".
Spikerdiń aitýynsha, aýyl sharýashylyǵy jalpy óniminiń kólemi 2017 jylǵy qańtar–qyrkúiek ailarynda ótken jyldyń osy kezeńimen salystyrǵanda 1,9%-ǵa ulǵaitylyp, 2,9 trln teńgeni quraǵanyn atap ótti. Azyq-túlik ónimderiniń óndirisi atalǵan kezeńde 5,3%-ǵa ósip, 1,1 trln teńgeni qurady.
Jyl basynan beri 1 qazandaǵy jaǵdai boiynsha 745 aýyl sharýashylyǵy kooperativi qurylǵan (jyldyq josparda – 326). 102 587 iri qara malǵa arnalǵan 6 159 otbasylyq bordaqylaý alańy ashyldy. Qabyldanǵan sharalar 7,6 myń jeke kásipkerlerdi tartyp, 12 myńnan astam jańa jumys oryndaryn ashýǵa, sondai-aq, aýyl sharýashylyǵy kooperatsiiasyna shamamen 56 myń jeke qosalqy jáne usaq sharýashylyqtardy tartýǵa múmkindik berdi.
Mal sharýashylyǵy ónimderin shyǵarý kólemi ótken jylmen salystyrǵanda 3,3%-ǵa ulǵaityldy. Biyl júrgizilgen egisti ártaraptandyrý jumystary maily jáne burshaqty daqyldar óndirisiniń kólemin 376 myń tonnaǵa nemese ótken jyldyń kórsetkishimen salystyrǵanda 18%-ǵa ulǵaitýǵa jol ashty.
18 qazandaǵy jaǵdai boiynsha, 15,2 mln ga nemese 99,7% dándi jáne dándi-burshaqty daqyldar alqaptary jinaldy. 14,3 ts/ga egin ónimdiligi kezinde 21,8 mln tonna astyq bastyryldy, sonymen qatar 1,7 mln ga nemese 68% maily daqyldar alańy jinaldy.
3,3 mln tonna kartop jinaldy, bul ótken jyldyń osy kezeńindegi kórsetkishpen salystyrǵanda 709 myń tonnaǵa joǵary. 3,2 mln tonna kókónis (654 myń tonnaǵa joǵary), sondai-aq, 2,2 mln tonna baqsha daqyldary (126 myń tonnaǵa joǵary) jinaldy.
Vitse-ministrdiń aitýynsha, 2017 jyldyń toǵyz aiynda et óńdeý úlesi 33%, sút óńdeý – 24%-dy quraǵan. Óńdeýdiń basymdyqty toǵyz túrin damytý úshin esepter júrgizilip, árbir oblys pen aýdan boiynsha agroóńdeýdi damytýdyń kartasy ázirlendi.
«Kartalardy iske asyrý agroónerkásiptik keshendi damýdyń sapaly jańa deńgeiine shyǵarýǵa, básekege qabilettiligin arttyrýǵa, ishki azyq-túlik naryǵynyń turaqtylyǵyn nyǵaitýǵa jáne salanyń eksporttyq baǵdaryn kúsheitýge múmkindik beredi», — dep sózin qorytyndylady Q. Aitýǵanov.
.jpeg)