Mamandardyń aitýynsha, koronavirýsty jeńýdiń basty quraly - vaktsina. Osy oraida otandyq mamandar indetpen kúreste qoldanysta bar vaktsinany jetildire túsý jumysyn qolǵa aldy.
Bul týraly QR Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria málim etti, dep habarlaidy QazAqparat tilshisi.
«Kez kelgen virýs uzaǵyraq ómir súrýdiń jolyn izdeidi. Iaǵni ol juǵý joly men túrin ózgertip otyrady. Qaitkende de adamdardyń arasynda keńirek taraýǵa tyrysady. Osy oraida bizdiń aitatyn ýájimiz, indetten saqtaný sharalaryn qatań ustanýymyz qajet jáne vaktsina alýymyz qajet. Qaitalaýdan sharshamaimyz, koronavirýsty jeńýdiń jalǵyz joly vaktsina jáne rekvaktsinatsiiadan ótý. Álemde vaktsina alý protsesi ár elde ártúrli júrip jatyr. Ekpe alý qarqyny tómen deńgeidegi elder COVID-19-dyń oshaǵy bolyp qala beredi. Onyń arty virýstyń jańa shtamynyń paida bolýyna alyp keledi», - dedi Kúnsulý Zakaria «Habar» telearnasyna bergen suhbatynda.
Onyń aitýynsha, elimizde indetke qarsy vaktsina jáne revaktsina alý qarqynyn jeteldetý kerek.
«Jańa shtamnyń paida bolýy lezde. Biz kez kelgen jaǵdaiǵa daiyn bolýymyz qajet. Sondyqtan da ekpe alý mańyzdy. Sonymen qatar revaktsinatsiiadan ótýdi de umytpaǵan jón. Revaktsinatsiiadan ótýge dúniejúzilik densaýlyq saqtaý uiymynyń ózi keńes berip otyr. Al vaktsinamen memleket qamtamasyz etedi. Taiaýda ǵana óńirlerge 500 myń doza vaktsina jónelttik jáne biz bunymen toqtatpaimyz, jumys júrip jatyr. Biz bar vaktsinany virýspen kúreste odan ári jetildire túsýmen ainalysyp jatyrmyz», - deidi ol.
