مامانداردىڭ ايتۋىنشا, كوروناۆيرۋستى جەڭۋدٸڭ باستى قۇرالى - ۆاكتسينا. وسى ورايدا وتاندىق ماماندار ٸندەتپەن كٷرەستە قولدانىستا بار ۆاكتسينانى جەتٸلدٸرە تٷسۋ جۇمىسىن قولعا الدى.
بۇل تۋرالى قر بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتىنىڭ باس ديرەكتورى كٷنسۇلۋ زاكاريا مەلٸم ەتتٸ, دەپ حابارلايدى قازاقپارات تٸلشٸسٸ.
«كەز كەلگەن ۆيرۋس ۇزاعىراق ٶمٸر سٷرۋدٸڭ جولىن ٸزدەيدٸ. ياعني ول جۇعۋ جولى مەن تٷرٸن ٶزگەرتٸپ وتىرادى. قايتكەندە دە ادامداردىڭ اراسىندا كەڭٸرەك تاراۋعا تىرىسادى. وسى ورايدا بٸزدٸڭ ايتاتىن ۋەجٸمٸز, ٸندەتتەن ساقتانۋ شارالارىن قاتاڭ ۇستانۋىمىز قاجەت جەنە ۆاكتسينا الۋىمىز قاجەت. قايتالاۋدان شارشامايمىز, كوروناۆيرۋستى جەڭۋدٸڭ جالعىز جولى ۆاكتسينا جەنە رەكۆاكتسيناتسييادان ٶتۋ. ەلەمدە ۆاكتسينا الۋ پروتسەسٸ ەر ەلدە ەرتٷرلٸ جٷرٸپ جاتىر. ەكپە الۋ قارقىنى تٶمەن دەڭگەيدەگٸ ەلدەر COVID-19-دىڭ وشاعى بولىپ قالا بەرەدٸ. ونىڭ ارتى ۆيرۋستىڭ جاڭا شتامىنىڭ پايدا بولۋىنا الىپ كەلەدٸ», - دەدٸ كٷنسۇلۋ زاكاريا «حابار» تەلەارناسىنا بەرگەن سۇحباتىندا.
ونىڭ ايتۋىنشا, ەلٸمٸزدە ٸندەتكە قارسى ۆاكتسينا جەنە رەۆاكتسينا الۋ قارقىنىن جەتەلدەتۋ كەرەك.
«جاڭا شتامنىڭ پايدا بولۋى لەزدە. بٸز كەز كەلگەن جاعدايعا دايىن بولۋىمىز قاجەت. سوندىقتان دا ەكپە الۋ ماڭىزدى. سونىمەن قاتار رەۆاكتسيناتسييادان ٶتۋدٸ دە ۇمىتپاعان جٶن. رەۆاكتسيناتسييادان ٶتۋگە دٷنيەجٷزٸلٸك دەنساۋلىق ساقتاۋ ۇيىمىنىڭ ٶزٸ كەڭەس بەرٸپ وتىر. ال ۆاكتسينامەن مەملەكەت قامتاماسىز ەتەدٸ. تاياۋدا عانا ٶڭٸرلەرگە 500 مىڭ دوزا ۆاكتسينا جٶنەلتتٸك جەنە بٸز بۇنىمەن توقتاتپايمىز, جۇمىس جٷرٸپ جاتىر. بٸز بار ۆاكتسينانى ۆيرۋسپەن كٷرەستە ودان ەرٸ جەتٸلدٸرە تٷسۋمەن اينالىسىپ جاتىرمىز», - دەيدٸ ول.
