QR Indýstriia jáne infraqurylymdyq damý ministri mindetin atqarýshy Qaiyrbek Óskenbaev charterlik reisterge qoiylatyn talaptardy túsindirdi, dep habarlaidy QazAqparat.
«Charterlik reis týraly kóp suraq túsip jatyr. Buryn charterlik reister «Qazaeronavinatsiiaǵa» usynys jazyp usha beretin, qazir oǵan da talapty kúsheittik. Endi olar óz erkimen júre almaidy. QR Indýstriia jáne infraqurylymdyq damý ministrligine hat jiberedi. Odan ári sanitarlyq-epidemiialyq qyzmetke jolaýshylar sany men azamattyǵy týraly tizim jiberiledi. Ruqsat berilse, sol tizim arqyly ǵana Qazaqstanǵa kire alady», - dedi Q. Óskenbaev Ortalyq kommýnikatsiialar qyzmetinde ótken brifingide.
Onyń aitýynsha, otandastarymyzdy shetelden qaitarý máselesimen QR Syrtqy ister ministrligi ainalysady.
«Syrtqy ister ministrligi qazaqstandyqtardy qai jerden alyp ketý týraly suranym berse, bizdiń áýe kompaniialary olardy jetkizýge daiyn. Mysaly, erteń Ystanbuldan jáne Deliden tikelei eki reis arqyly qazaqstandyqtar keledi», - dedi Qaiyrbek Óskenbaev.
Ministrlik málimetine sáikes, 2020 jyldyń 18 naýryzynan bastap QR Prezidentiniń tapsyrmasymen Qazaqstannyń 7702 azamaty elge jetkizilgen.
Aita keteiik, Qazaqstanda 97 halyqaralyq, 45 ishki baǵyttaǵy áýe reisteri toqtap tur.
