قر يندۋسترييا جەنە ينفراقۇرىلىمدىق دامۋ مينيسترٸ مٸندەتٸن اتقارۋشى قايىربەك ٶسكەنباەۆ چارتەرلٸك رەيستەرگە قويىلاتىن تالاپتاردى تٷسٸندٸردٸ, دەپ حابارلايدى قازاقپارات.
«چارتەرلٸك رەيس تۋرالى كٶپ سۇراق تٷسٸپ جاتىر. بۇرىن چارتەرلٸك رەيستەر «قازاەروناۆيناتسيياعا» ۇسىنىس جازىپ ۇشا بەرەتٸن, قازٸر وعان دا تالاپتى كٷشەيتتٸك. ەندٸ ولار ٶز ەركٸمەن جٷرە المايدى. قر يندۋسترييا جەنە ينفراقۇرىلىمدىق دامۋ مينيسترلٸگٸنە حات جٸبەرەدٸ. ودان ەرٸ سانيتارلىق-ەپيدەمييالىق قىزمەتكە جولاۋشىلار سانى مەن ازاماتتىعى تۋرالى تٸزٸم جٸبەرٸلەدٸ. رۇقسات بەرٸلسە, سول تٸزٸم ارقىلى عانا قازاقستانعا كٸرە الادى», - دەدٸ ق. ٶسكەنباەۆ ورتالىق كوممۋنيكاتسييالار قىزمەتٸندە ٶتكەن بريفينگٸدە.
ونىڭ ايتۋىنشا, وتانداستارىمىزدى شەتەلدەن قايتارۋ مەسەلەسٸمەن قر سىرتقى ٸستەر مينيسترلٸگٸ اينالىسادى.
«سىرتقى ٸستەر مينيسترلٸگٸ قازاقستاندىقتاردى قاي جەردەن الىپ كەتۋ تۋرالى سۇرانىم بەرسە, بٸزدٸڭ ەۋە كومپانييالارى ولاردى جەتكٸزۋگە دايىن. مىسالى, ەرتەڭ ىستانبۇلدان جەنە دەليدەن تٸكەلەي ەكٸ رەيس ارقىلى قازاقستاندىقتار كەلەدٸ», - دەدٸ قايىربەك ٶسكەنباەۆ.
مينيسترلٸك مەلٸمەتٸنە سەيكەس, 2020 جىلدىڭ 18 ناۋرىزىنان باستاپ قر پرەزيدەنتٸنٸڭ تاپسىرماسىمەن قازاقستاننىڭ 7702 ازاماتى ەلگە جەتكٸزٸلگەن.
ايتا كەتەيٸك, قازاقستاندا 97 حالىقارالىق, 45 ٸشكٸ باعىتتاعى ەۋە رەيستەرٸ توقتاپ تۇر.
