Býkmekerlik keńselerge tek sporttyq oqiǵalarǵa stavkalar qabyldaý mindeti belgilenedi.
Bul týraly Parlament Májilisiniń jalpy otyrysynda tiisti zań jobasyn talqylaý kezinde Mədeniet jəne sport ministri Aqtoty Raiymqulova málim etti, dep habarlaidy QazAqparat.
Bás tigýge qatysýshylardyń derekter qory jalpyǵa birdei deklaratsiialaýdy engizýge, bás tigýge qatysatyn klientti shekteý jáne klienttiń ózin-ózi shekteý rásimin engizýge yqpal etetin bolady, sondai-aq qylmystyq jolmen alynǵan kiristerdi jylystatýǵa jáne terrorizmdi qarjylandyrýǵa qarsy kúres jónindegi sharalardy kúsheitedi», - dedi A. Raiymqulova.
Sonymen qatar ol tek sporttyq oqiǵalarǵa stavkalar qabyldaý mindetin belgileý usynylǵanyn aitty.
«Oqiǵanyń nátijesindegi ashyqtyqty jáne oiynshylardyń quqyqtaryn qamtamasyz etý maqsatynda býkmekerlik keńselerge tek sporttyq oqiǵalarǵa stavkalar qabyldaý mindetin belgileý usynylady», - dedi vedomstvo basshysy.
Aita keteiik, jekelegen býkmekerlik keńseler virtýaldy fýtbol, hokkei, basketbol, tennis, avtojarys jáne kompiýter kómegimen paida bolatyn basqa da virtýaldy oqiǵalarǵa stavkalardy qabyldaidy.
Budan buryn habarlanǵandai, býkmekerlik keńselerde bás tigýge qatysýdan shekteý tetigin iske asyrý úshin stavkalardy esepke alý ortalyǵyn qurý josparlanyp otyr.
