بۋكمەكەرلٸك كەڭسەلەرگە تەك سپورتتىق وقيعالارعا ستاۆكالار قابىلداۋ مٸندەتٸ بەلگٸلەنەدٸ.
بۇل تۋرالى پارلامەنت مەجٸلٸسٸنٸڭ جالپى وتىرىسىندا تيٸستٸ زاڭ جوباسىن تالقىلاۋ كەزٸندە مəدەنيەت جəنە سپورت مينيسترٸ اقتوتى رايىمقۇلوۆا مەلٸم ەتتٸ, دەپ حابارلايدى قازاقپارات.
بەس تٸگۋگە قاتىسۋشىلاردىڭ دەرەكتەر قورى جالپىعا بٸردەي دەكلاراتسييالاۋدى ەنگٸزۋگە, بەس تٸگۋگە قاتىساتىن كليەنتتٸ شەكتەۋ جەنە كليەنتتٸڭ ٶزٸن-ٶزٸ شەكتەۋ رەسٸمٸن ەنگٸزۋگە ىقپال ەتەتٸن بولادى, سونداي-اق قىلمىستىق جولمەن الىنعان كٸرٸستەردٸ جىلىستاتۋعا جەنە تەرروريزمدٸ قارجىلاندىرۋعا قارسى كٷرەس جٶنٸندەگٸ شارالاردى كٷشەيتەدٸ», - دەدٸ ا. رايىمقۇلوۆا.
سونىمەن قاتار ول تەك سپورتتىق وقيعالارعا ستاۆكالار قابىلداۋ مٸندەتٸن بەلگٸلەۋ ۇسىنىلعانىن ايتتى.
«وقيعانىڭ نەتيجەسٸندەگٸ اشىقتىقتى جەنە ويىنشىلاردىڭ قۇقىقتارىن قامتاماسىز ەتۋ ماقساتىندا بۋكمەكەرلٸك كەڭسەلەرگە تەك سپورتتىق وقيعالارعا ستاۆكالار قابىلداۋ مٸندەتٸن بەلگٸلەۋ ۇسىنىلادى», - دەدٸ ۆەدومستۆو باسشىسى.
ايتا كەتەيٸك, جەكەلەگەن بۋكمەكەرلٸك كەڭسەلەر ۆيرتۋالدى فۋتبول, حوككەي, باسكەتبول, تەننيس, اۆتوجارىس جەنە كومپيۋتەر كٶمەگٸمەن پايدا بولاتىن باسقا دا ۆيرتۋالدى وقيعالارعا ستاۆكالاردى قابىلدايدى.
بۇدان بۇرىن حابارلانعانداي, بۋكمەكەرلٸك كەڭسەلەردە بەس تٸگۋگە قاتىسۋدان شەكتەۋ تەتٸگٸن ٸسكە اسىرۋ ٷشٸن ستاۆكالاردى ەسەپكە الۋ ورتالىعىن قۇرۋ جوسپارلانىپ وتىر.
