Qazaqstannyń úsh qalasy men úsh oblysynda biyl 7 birdei kóterme-taratý ortalyǵy salynady, dep habarlaidy QazAqparat.
«Biyl ishki saýdany damytý baǵytynda Saýda jáne integratsiia ministrliginiń aldyna naqty mindetter qoiyldy. Ol úshin Ulttyq taýar taratý júiesi infraqurylym deńgeiinde qurylady. Iaǵni 24 kóterme-taratý ortalyǵy boi kóteredi», - dedi Saýda jáne integratsiia vitse-ministri Erjan Qazanbaev ministrliktiń alqa otyrysynda.
Onyń aitýynsha Ulttyq taýar taratý júiesi azyq-túliktiń jekelegen túrleriniń azaiyp ketýine jol bermei, baǵany turaqtandyrad. Saýda infraqurylymyn damytyp, eksporterler arnasyn qurady.
«Taýar bólýdiń atalǵan júiesi óndirýshilerdiń saýda bazaryna shyǵýyna jol ashady. Iaǵni olar egis alańynan saýda sóresine ońai jete alady. Al tutynýshylar sapaly ónimderge qol jetkizedi. Biyldyń ózinde Nur-Sultan, Almaty, Shymkent qalalary men Almaty, Jambyl, Pavlodar oblystarynda 7 kóterme-taratý ortalyǵyn salý kózdelgen», - dedi ol.
