Qazaqstanda biyl 560 myń tonna munai-gaz-himiia ónimderi óndiriledi. Bul týraly QR Energetika ministri Bolat Aqsholaqov aitty, dep habarlaidy QazAqparat.
«2021 jyldyń qorytyndysy boiynsha munai-gaz-himiia ónimderin óndirý kólemi 190 myń tonnany qurady. 2021 jyly qýaty 57 myń tonna oktan kótergish qospa shyǵaratyn zaýyt, sondai-aq qýaty 54 mln tekshe metr tehnikalyq gaz jáne 34 mln tekshe metr qurǵaq syǵylǵan aýa shyǵaratyn qondyrǵylar iske qosyldy. Atyraý oblysynda arnaiy ekonomikalyq aimaqtyń infraqurylymdyq nysandar tolyǵymen iske qosyldy. 2022 jyly josparlanǵan óndiris kólemi 560 myń tonnany quraidy», - dedi ol ministrliktiń keńeitilgen alqa otyrysynda.
Sonymen qatar ministr salada basqa da birqatar iri joba iske asyrylatyndyǵyn aitty.
«Biyl qýaty jylyna 500 myń tonna polipropilen óndiretin zaýytty iske qosý josparlanǵan. Sondai-aq, qýaty jylyna 1 mln tonna tereftal qyshqyly men polietilentereftalat óndirisi, qýaty jylyna 1,25 mln tonna polietilen jáne qýaty jylyna 186 myń tonna býtadien boiynsha iri jobalardy iske asyrýǵa nazar aýdarylatyn bolady. Investitsiialardyń jalpy kólemi shamamen 10 mlrd AQSh dollary», - dedi Bolat Aqsholaqov.
