قازاقستاندا بيىل 560 مىڭ توننا مۇناي-گاز-حيمييا ٶنٸمدەرٸ ٶندٸرٸلەدٸ. بۇل تۋرالى قر ەنەرگەتيكا مينيسترٸ بولات اقشولاقوۆ ايتتى, دەپ حابارلايدى قازاقپارات.
«2021 جىلدىڭ قورىتىندىسى بويىنشا مۇناي-گاز-حيمييا ٶنٸمدەرٸن ٶندٸرۋ كٶلەمٸ 190 مىڭ توننانى قۇرادى. 2021 جىلى قۋاتى 57 مىڭ توننا وكتان كٶتەرگٸش قوسپا شىعاراتىن زاۋىت, سونداي-اق قۋاتى 54 ملن تەكشە مەتر تەحنيكالىق گاز جەنە 34 ملن تەكشە مەتر قۇرعاق سىعىلعان اۋا شىعاراتىن قوندىرعىلار ٸسكە قوسىلدى. اتىراۋ وبلىسىندا ارنايى ەكونوميكالىق ايماقتىڭ ينفراقۇرىلىمدىق نىساندار تولىعىمەن ٸسكە قوسىلدى. 2022 جىلى جوسپارلانعان ٶندٸرٸس كٶلەمٸ 560 مىڭ توننانى قۇرايدى», - دەدٸ ول مينيسترلٸكتٸڭ كەڭەيتٸلگەن القا وتىرىسىندا.
سونىمەن قاتار مينيستر سالادا باسقا دا بٸرقاتار ٸرٸ جوبا ٸسكە اسىرىلاتىندىعىن ايتتى.
«بيىل قۋاتى جىلىنا 500 مىڭ توننا پوليپروپيلەن ٶندٸرەتٸن زاۋىتتى ٸسكە قوسۋ جوسپارلانعان. سونداي-اق, قۋاتى جىلىنا 1 ملن توننا تەرەفتال قىشقىلى مەن پوليەتيلەنتەرەفتالات ٶندٸرٸسٸ, قۋاتى جىلىنا 1,25 ملن توننا پوليەتيلەن جەنە قۋاتى جىلىنا 186 مىڭ توننا بۋتاديەن بويىنشا ٸرٸ جوبالاردى ٸسكە اسىرۋعا نازار اۋدارىلاتىن بولادى. ينۆەستيتسييالاردىڭ جالپى كٶلەمٸ شامامەن 10 ملرد اقش دوللارى», - دەدٸ بولات اقشولاقوۆ.
