قىزىلوردا وبلىسىندا «تورعاي پەترولەۋم» اق-نىڭ 416,6 ملن تەڭگەسٸن جىمقىرۋ ٸسٸ بويىنشا سوت ٷكٸمٸ شىقتى, دەپ حابارلايدى ult.kz.
قىزىلوردا وبلىستىق ەكونوميكالىق تەرگەپ-تەكسەرۋ دەپارتامەنتٸنٸڭ مەلٸمەتٸنشە, كومپانييانىڭ مەحانيكالىق بٶلٸمٸنٸڭ بۇرىنعى باسشىسى «ب» جەنە «MANSUR-INVEST group» جشس مەن «KazPromStroy LTD» جشس باسشىسى س.ش. الدىن الا سٶز بايلاسقان.
تەرگەۋ دەرەگٸنە سەيكەس, 2019-2020 جىلدارى كومپانييادا ٸس جٷزٸندە ورىندالعان جۇمىستار مەن بۇرىننان بار تاۋارلاردى جەكە كومپانييالاردان ساتىپ الۋ قاجەت دەگەن مازمۇندا قىزمەتتٸك حاتتار رەسٸمدەلگەن. سونىڭ نەگٸزٸندە ٸس جٷزٸندە جەتكٸزٸلمەگەن تاۋارلار, ورىندالماعان جۇمىستار مەن كٶرسەتٸلمەگەن قىزمەتتەر ٷشٸن التى كەلٸسٸمشارت جاسالىپ, ەكٸ كومپانييانىڭ شوتىنا 416 ملن 696 مىڭ 896 تەڭگە اۋدارىلعان.
سوت ماتەريالدارىندا بۇل قاراجاتتىڭ كەيٸن قولما-قول شەشٸلٸپ, قىلمىسقا قاتىسۋشىلار اراسىندا بٶلٸنگەنٸ كٶرسەتٸلگەن.
سوت «ب»-نى قىلمىستىق كودەكستٸڭ 189-بابى 4-بٶلٸگٸنٸڭ 2-تارماعى بويىنشا كٸنەلٸ دەپ تانىپ, باستاپقىدا 7 جىلعا باس بوستاندىعىنان ايىرۋ جازاسىن تاعايىندادى. راقىمشىلىق تۋرالى زاڭعا سەيكەس جازا مەرزٸمٸ 5 جىل 7 اي 6 كٷنگە قىسقارتىلىپ, قك-نٸڭ 63-بابى نەگٸزٸندە شارتتى جازا رەتٸندە بەلگٸلەندٸ. وعان پروباتسييالىق باقىلاۋ تاعايىندالدى.
ال س.ش. قك-نٸڭ 216-بابى 3-بٶلٸگٸ, 28-بابى 5-بٶلٸگٸ جەنە 189-بابى 4-بٶلٸگٸنٸڭ 2-تارماعى بويىنشا كٸنەلٸ دەپ تانىلدى. وعان دا 7 جىل باس بوستاندىعىنان ايىرۋ جازاسى تاعايىندالىپ, راقىمشىلىقپەن 5 جىل 7 اي 6 كٷنگە قىسقارتىلدى. جازا شارتتى دەپ تانىلىپ, پروباتسييالىق باقىلاۋ بەلگٸلەندٸ.
سونىمەن بٸرگە س.ش. ماتەريالدىق جاۋاپكەرشٸلٸككە بايلانىستى لاۋازىمداردى اتقارۋ قۇقىعىنان ٶمٸر بويىنا ايىرىلدى.
