قازاقستاندا تۇتىنۋشىلاردىڭ قۇقىقتارىن قورعاۋعا باعىتتالعان جاڭا زاڭ جوباسى ەزٸرلەنٸپ جاتىر. بۇل تۋرالى قۇرىلتاي دەپۋتاتى, تۇتىنۋشىلاردىڭ قۇقىقتارىن قورعاۋ تۋرالى زاڭ جوباسى جٶنٸندەگٸ جۇمىس توبىنىڭ جەتەكشٸسٸ نيكيتا شاتالوۆ مەلٸمدەدٸ, دەپ حابارلايدى ult.kz.
ونىڭ ايتۋىنشا, تەك ٶتكەن جىلدىڭ ٶزٸندە تۇتىنۋشىلاردان 80 مىڭنان استام شاعىم تٷسكەن. جاڭا زاڭ جوباسى مەملەكەت باسشىسىنىڭ تاپسىرماسى بويىنشا ەزٸرلەنٸپ جاتىر.
زاڭ جوباسىندا تۇتىنۋشىلار ٷشٸن بٸرنەشە ماڭىزدى ٶزگەرٸس قاراستىرىلعان.
بٸرٸنشٸدەن, تاۋارلارمەن قاتار جۇمىستار مەن قىزمەتتەرگە دە بٸرىڭعاي بازالىق قورعاۋ دەڭگەيٸ ەنگٸزٸلەدٸ. قولدانىستاعى تالاپتار نەگٸزٸنەن تاۋار ساتىپ الۋعا قاتىستى بولسا, جاڭا نورمالار قىزمەت كٶرسەتۋ سالاسىنا دا تارالادى.
ەكٸنشٸدەن, تۇتىنۋشىنىڭ قۇقىقتارىن شەكتەيتٸن كەلٸسٸمشارت تالاپتارى جارامسىز دەپ تانىلادى. ياعني ساتۋشى نەمەسە قىزمەت كٶرسەتۋشٸ جاۋاپكەرشٸلٸكتەن الدىن الا باس تارتقان جاعدايدا, مۇنداي تارماقتار ونى جاۋاپكەرشٸلٸكتەن بوساتپايدى. چەكتٸڭ جوعالۋى دا تۇتىنۋشىنىڭ قۇقىعىن قورعاۋعا كەدەرگٸ بولماۋى تيٸس.
ٷشٸنشٸدەن, تۇتىنۋشىلاردىڭ قۇقىقتارى جٶنٸندەگٸ ومبۋدسمەن ينستيتۋتىن ەنگٸزۋ ۇسىنىلىپ وتىر. ول ازاماتتارعا كەڭەس بەرٸپ, جٷيەلٸ مەسەلەلەردٸ مەملەكەتتٸك ورگانداردىڭ الدىنا قويا الادى. سونىمەن قاتار نارىقتاعى ەرەجەلەردٸ ەزٸرلەۋگە قاتىسىپ, قاجەت بولعان جاعدايدا تۇتىنۋشىنىڭ مٷددەسٸن سوتتا قورعاۋعا مٷمكٸندٸك الادى.
تٶرتٸنشٸدەن, ەگەر ساتۋشى نەمەسە قىزمەت كٶرسەتۋشٸ مەسەلەنٸ سوتقا جەتكٸزبەي شەشۋگە مٷمكٸندٸگٸ بولا تۇرا, ٸستٸ سوتقا دەيٸن جەتكٸزسە, وعان تۇتىنۋشىنىڭ پايداسىنا ايىپپۇل سالۋ قاراستىرىلعان.
نيكيتا شاتالوۆتىڭ سٶزٸنشە, جاڭا زاڭنىڭ نەگٸزگٸ ماقساتى – تۇتىنۋشىنىڭ ناقتى قورعالۋىن قامتاماسىز ەتۋ جەنە ادال كەسٸپكەرلەر ٷشٸن تٷسٸنٸكتٸ ەرٸ اشىق ەرەجەلەر قالىپتاستىرۋ.
قازٸر زاڭ جوباسى ساراپشىلارمەن, بيزنەس ٶكٸلدەرٸمەن جەنە تۇتىنۋشىلاردىڭ قۇقىقتارىن قورعاۋ ۇيىمدارىمەن بٸرلەسٸپ تالقىلانىپ جاتىر.
