Jyl basynan beri 43 myńnan astam qazaqstandyq zeinetke shyqty, dep habarlaidy "Ult aqparat" «Azamattarǵa arnalǵan úkimet» memlekettik korporatsiiasyna silteme jasap.
«Biylǵy jyldyń 7 aiynda 43 453 qazaqstandyq jasyna bailanysty zeinetaqynyń taǵaiyndalýyna ótinish bildirdi. Zeinetkerlikke shyqqandardyń arasynda Almaty (5 myńnan astam), Túrkistan (4,5 myńnan astam) jáne Shyǵys Qazaqstan (3,8 myńnan astam) oblystarynyń turǵyndary kóp. Eń tómengi kórsetkish Atyraý oblysyna tiesili, onda 7 ai ishinde 1295 turǵyn zeinetkerlikti rásimdegen», delingen habarlamada.
Aita keteiik, ótken jyldyń dál osy kezeńinde 41 myńnan astam azamat zeinetke shyqqan.
Esterińizge salsaq, jasyna bailanysty zeinetaqy tólemderin taǵaiyndaý týraly ótinishti zeinet jasy tolǵanǵa deiin 10 kún buryn «Azamattarǵa arnalǵan úkimet» memlekettik korporatsiiasynyń front-ofisi arqyly berý kerek. HQO-ǵa barý úshin aldymen egov.kz portaly nemese eGovKzBot2.0 Telegram boty arqyly kezek ýaqytyn brondaý qajet.
Sondai-aq koronavirýstyń taralýyn boldyrmaý maqsatynda memlekettik korporatsiia eGov.kz portalyna elektrondy ótinishti jiberý arqyly qashyqtan zeinetaqy taǵaiyndaý múmkindigin qarastyrdy.
Ótinish berý úshin azamat elektrondyq tsifrlyq qoltańba nemese birjolǵy qupiia sóz arqyly egov.kz portalyna kirý kerek. Sodan keiin «Elektrondyq ótinishter» servisin tańdap, qyzmetke onlain tapsyrys berý qajet. Sodan keiin jeke aqparat, onyń ishinde elektrondy poshta mekenjaiy, telefon nómiri, qyzmet ataýy jáne t.b. málimetter toltyrylýy tiis.
Sondai-aq qujattardyń skanerlengen nemese foto kóshirmesin (qajet tizimdi 1414 bailanys ortalyǵynan nemese gov4c.kz veb-saityndaǵy «Memlekettik qyzmetter standarttary» bóliminen bilýge bolady), sonyń ishinde qyzmet alýshynyń jeke qoltańbasymen kýálandyrylǵan ótinishti de júkteý qajet. Joldanatyn tarap baǵanynda – «Azamattarǵa arnalǵan úkimet» memlekettik korporatsiiasynyń aimaqtyq filialyn tańdaý kerek.
Ótinimniń sońynda ETsQ-men qol qoiylýy tiis.
Suraqtar týyndaǵan jaǵdaida, memlekettik korporatsiianyń qyzmetkerleri qyzmet alýshymen kórsetilgen telefon nómiri arqyly bailanysady.
Memlekettik qyzmet nátijesi qyzmet alýshynyń jeke kabinetinde kórsetiledi.
Aita ketý kerek, BJZQ-dan tólenetin tólemder men bazalyq zeinetaqy tólemderine ótinish kompozit aiasynda bir ótinish arqyly usynylady.
