جىل باسىنان بەرٸ 43 مىڭنان استام قازاقستاندىق زەينەتكە شىقتى, دەپ حابارلايدى "ۇلت اقپارات" «ازاماتتارعا ارنالعان ٷكٸمەت» مەملەكەتتٸك كورپوراتسيياسىنا سٸلتەمە جاساپ.
«بيىلعى جىلدىڭ 7 ايىندا 43 453 قازاقستاندىق جاسىنا بايلانىستى زەينەتاقىنىڭ تاعايىندالۋىنا ٶتٸنٸش بٸلدٸردٸ. زەينەتكەرلٸككە شىققانداردىڭ اراسىندا الماتى (5 مىڭنان استام), تٷركٸستان (4,5 مىڭنان استام) جەنە شىعىس قازاقستان (3,8 مىڭنان استام) وبلىستارىنىڭ تۇرعىندارى كٶپ. ەڭ تٶمەنگٸ كٶرسەتكٸش اتىراۋ وبلىسىنا تيەسٸلٸ, وندا 7 اي ٸشٸندە 1295 تۇرعىن زەينەتكەرلٸكتٸ رەسٸمدەگەن», دەلٸنگەن حابارلامادا.
ايتا كەتەيٸك, ٶتكەن جىلدىڭ دەل وسى كەزەڭٸندە 41 مىڭنان استام ازامات زەينەتكە شىققان.
ەستەرٸڭٸزگە سالساق, جاسىنا بايلانىستى زەينەتاقى تٶلەمدەرٸن تاعايىنداۋ تۋرالى ٶتٸنٸشتٸ زەينەت جاسى تولعانعا دەيٸن 10 كٷن بۇرىن «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ فرونت-وفيسٸ ارقىلى بەرۋ كەرەك. حقو-عا بارۋ ٷشٸن الدىمەن egov.kz پورتالى نەمەسە eGovKzBot2.0 تەلەگرام بوتى ارقىلى كەزەك ۋاقىتىن برونداۋ قاجەت.
سونداي-اق كوروناۆيرۋستىڭ تارالۋىن بولدىرماۋ ماقساتىندا مەملەكەتتٸك كورپوراتسييا eGov.kz پورتالىنا ەلەكتروندى ٶتٸنٸشتٸ جٸبەرۋ ارقىلى قاشىقتان زەينەتاقى تاعايىنداۋ مٷمكٸندٸگٸن قاراستىردى.
ٶتٸنٸش بەرۋ ٷشٸن ازامات ەلەكتروندىق تسيفرلىق قولتاڭبا نەمەسە بٸرجولعى قۇپييا سٶز ارقىلى egov.kz پورتالىنا كٸرۋ كەرەك. سودان كەيٸن «ەلەكتروندىق ٶتٸنٸشتەر» سەرۆيسٸن تاڭداپ, قىزمەتكە ونلاين تاپسىرىس بەرۋ قاجەت. سودان كەيٸن جەكە اقپارات, ونىڭ ٸشٸندە ەلەكتروندى پوشتا مەكەنجايى, تەلەفون نٶمٸرٸ, قىزمەت اتاۋى جەنە ت.ب. مەلٸمەتتەر تولتىرىلۋى تيٸس.
سونداي-اق قۇجاتتاردىڭ سكانەرلەنگەن نەمەسە فوتو كٶشٸرمەسٸن (قاجەت تٸزٸمدٸ 1414 بايلانىس ورتالىعىنان نەمەسە gov4c.kz ۆەب-سايتىنداعى «مەملەكەتتٸك قىزمەتتەر ستاندارتتارى» بٶلٸمٸنەن بٸلۋگە بولادى), سونىڭ ٸشٸندە قىزمەت الۋشىنىڭ جەكە قولتاڭباسىمەن كۋەلاندىرىلعان ٶتٸنٸشتٸ دە جٷكتەۋ قاجەت. جولداناتىن تاراپ باعانىندا – «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ ايماقتىق فيليالىن تاڭداۋ كەرەك.
ٶتٸنٸمنٸڭ سوڭىندا ەتسق-مەن قول قويىلۋى تيٸس.
سۇراقتار تۋىنداعان جاعدايدا, مەملەكەتتٸك كورپوراتسييانىڭ قىزمەتكەرلەرٸ قىزمەت الۋشىمەن كٶرسەتٸلگەن تەلەفون نٶمٸرٸ ارقىلى بايلانىسادى.
مەملەكەتتٸك قىزمەت نەتيجەسٸ قىزمەت الۋشىنىڭ جەكە كابينەتٸندە كٶرسەتٸلەدٸ.
ايتا كەتۋ كەرەك, بجزق-دان تٶلەنەتٸن تٶلەمدەر مەن بازالىق زەينەتاقى تٶلەمدەرٸنە ٶتٸنٸش كومپوزيت اياسىندا بٸر ٶتٸنٸش ارقىلى ۇسىنىلادى.
