Qazaqstanda birjalyq taýarlardyń tizimi uzartylady. Bul týraly OKQ-da ótken baspasóz máslihatynda Saýda jáne integratsiia ministri Baqyt Sultanov málim etti, dep habarlaidy QazAqparat.
«Prezident Qazaqstan halqyna Joldaýynda birjalyq saýdany retke keltirýdi tapsyrdy. Alǵashqy qadam retinde biz birjalyq taýarlar tizimin keńeitýdi josparlap otyrmyz», - dedi Baqyt Sultanov.
Sonymen qatar, ministr atap ótkendei birjaǵa qatysýshylardyń sanyn arttyrý maqsatynda jetkizý partiiasynyń eń tómengi mólsheri 600-den 60 tonnaǵa deiin azaitylǵan.
«Iaǵni, biz shaǵyn jáne orta taýar óndirýshilerge óz ónimin birja arqyly satýǵa múmkindik berip otyrmyz. Taýar birjasyndaǵy barlyq jumys saýda-sattyqqa qatysýshylardyń jergilikti jáne sheteldik deńgeide qatysýyn barynsha arttyrýǵa baǵyttalady. Bul kóleńkeli ekonomikanyń deńgeiin tómendetýge jáne taýarlarǵa tiisti naryqtyq baǵany qamtamasyz etýge múmkindik beredi», - dedi Baqyt Sultanov.
