Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Qazaqstanda 2020 jyldyń aiaǵyna deiin birqatar mańyzdy qujatty tsifrlyq formatqa kóshirý josparlanyp otyrǵanyn málimdedi, - dep habarlaidy «Ult aqparat».
Baǵdat Mýsinniń aitýynsha, Egov-ta (elektrondy úkimet portaly) memlekettik qyzmetterdi alýdy jeńildetý úshin biometriia boiynsha bir qadam arqyly tirkelý júzege asyrylady. Sol arqyly kez kelgen azamat biometriialyq sáikestendirýden ótip, ózine qajetti qyzmetke qol qoia alady. Sol arqyly elektrondy úkimettiń qyzmetin paidalanatyndar sanyn arttyrý kózdelgen.
"Qandai da bir qyzmet alýshylar Egov-qa tirkelgennen keiin, qaǵaz qujattarymen qatar, tsifrlyq qujattar servisin qoldanýǵa múmkindik alady. Bul serviske 2020 jyldyń aiaǵyna deiin joǵary bilim týraly diplom, júrgizýshi kýáligi, avtokóliktiń tehnikalyq qujaty, jeke tólqujat, stýdenttik bilet jáne taǵy basqa qujatty shyǵarý josparlanyp otyr", - dedi Mýsin.
Sonymen qatar tsifrlyq damý ministri Baǵdat Mýsin 2020 jyldyń sońyna deiin azamattar arasynda joǵary suranysqa ie otyzǵa jýyq anyqtamany alyp tastaý josparlanyp otyrǵanyn aityp ótti.
Aqparattyń shynaiylyǵyn rastaý QR-kodty oqý arqyly qamtamasyz etiledi.
Aita keteiik, Memleket basshysy Qasym-Jomart Toqaev qujattardyń qaǵaz nusqalarynyń kúshin joiý jáne olardy elektrondyq formatqa kóshirý qajettigi týraly birneshe ret aitqan bolatyn.
Sonymen qatar Qazaqstanda áskeri biletti qaǵaz nusqasynda berýden bas tartý usynyldy. Onyń qaǵaz nusqasyn tek soǵys jaǵdaiynda berý usynylyp otyr. Bul usynys Memlekettik qyzmetterdi kórsetý máseleleri jónindegi vedomstvoaralyq komissiianyń otyrysynda kóterildi. Ishki ister salasynda memlekettik qyzmetterdi jeńildetý máselesin kóterý barysynda áskeri biletter soǵys bolmaǵan jaǵdaida jergilikti áskeri komissariatta saqtalatyny aityldy.
Al áskeri mindettilik týraly habarlama "elektrondy úkimet" (Egov) portalyndaǵy azamattardyń jeke kabinetine jiberiletin bolady. Bul bastama arqyly biýdjettiń biraz qajysyn únemdeý kózdelgen.
Sonymen qatar azamattar turǵylyqty jerin aýystyrǵan kezde olardy áskeri esepke avtomatty túrde qoiý usynyldy. Tirkeý kezinde aqparat avtomatty túrde derekqorǵa túsedi de, sol jerden áskeri esepke alynady.
Jobaǵa sáikes, ol úshin azamattarǵa áskeri komissariatqa barmaidy. Jalpy alǵanda 16 memlekettik qyzmetti birden avtomattandyrý usynyldy.
Sonymen qatar birqatar memlekettik qyzmetterdi kompozittik tásilmen, iaǵni "bir ótinish – memlekettik qyzmetter kesheni" qaǵidaty boiynsha kórsetý jobasyn usyndy. Sol arqyly azamat ózin áskeri esepke qoiýdy ótingen kezde oǵan avtomatty túrde habarlama joldanady. Habarlamada "zapastaǵy ofitserlerge, serjanttarǵa, sarbazdarǵa áskeri bilet nemese olardyń telnusqasyn berý" memlekettik qyzmetin kórsetý týraly aitylady.
Aita keteiik, memleket basshysy Qasym-Jomart Toqaev 2020 jylǵy Qazaqstan halqyna joldaýynda birqatar qyzmetti tsifrlyq formatqa aýystyrýdy tapsyrdy.
