تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين قازاقستاندا 2020 جىلدىڭ اياعىنا دەيٸن بٸرقاتار ماڭىزدى قۇجاتتى تسيفرلىق فورماتقا كٶشٸرۋ جوسپارلانىپ وتىرعانىن مەلٸمدەدٸ, - دeپ حابارلايدى «ۇلت اقپارات».
باعدات مۋسيننٸڭ ايتۋىنشا, Egov-تا (ەلەكتروندى ٷكٸمەت پورتالى) مەملەكەتتٸك قىزمەتتەردٸ الۋدى جەڭٸلدەتۋ ٷشٸن بيومەترييا بويىنشا بٸر قادام ارقىلى تٸركەلۋ جٷزەگە اسىرىلادى. سول ارقىلى كەز كەلگەن ازامات بيومەترييالىق سەيكەستەندٸرۋدەن ٶتٸپ, ٶزٸنە قاجەتتٸ قىزمەتكە قول قويا الادى. سول ارقىلى ەلەكتروندى ٷكٸمەتتٸڭ قىزمەتٸن پايدالاناتىندار سانىن ارتتىرۋ كٶزدەلگەن.
"قانداي دا بٸر قىزمەت الۋشىلار Egov-قا تٸركەلگەننەن كەيٸن, قاعاز قۇجاتتارىمەن قاتار, تسيفرلىق قۇجاتتار سەرۆيسٸن قولدانۋعا مٷمكٸندٸك الادى. بۇل سەرۆيسكە 2020 جىلدىڭ اياعىنا دەيٸن جوعارى بٸلٸم تۋرالى ديپلوم, جٷرگٸزۋشٸ كۋەلٸگٸ, اۆتوكٶلٸكتٸڭ تەحنيكالىق قۇجاتى, جەكە تٶلقۇجات, ستۋدەنتتٸك بيلەت جەنە تاعى باسقا قۇجاتتى شىعارۋ جوسپارلانىپ وتىر", - دەدٸ مۋسين.
سونىمەن قاتار تسيفرلىق دامۋ مينيسترٸ باعدات مۋسين 2020 جىلدىڭ سوڭىنا دەيٸن ازاماتتار اراسىندا جوعارى سۇرانىسقا يە وتىزعا جۋىق انىقتامانى الىپ تاستاۋ جوسپارلانىپ وتىرعانىن ايتىپ ٶتتٸ.
اقپاراتتىڭ شىنايىلىعىن راستاۋ QR-كودتى وقۋ ارقىلى قامتاماسىز ەتٸلەدٸ.
ايتا كەتەيٸك, مەملەكەت باسشىسى قاسىم-جومارت توقاەۆ قۇجاتتاردىڭ قاعاز نۇسقالارىنىڭ كٷشٸن جويۋ جەنە ولاردى ەلەكتروندىق فورماتقا كٶشٸرۋ قاجەتتٸگٸ تۋرالى بٸرنەشە رەت ايتقان بولاتىن.
سونىمەن قاتار قازاقستاندا ەسكەري بيلەتتٸ قاعاز نۇسقاسىندا بەرۋدەن باس تارتۋ ۇسىنىلدى. ونىڭ قاعاز نۇسقاسىن تەك سوعىس جاعدايىندا بەرۋ ۇسىنىلىپ وتىر. بۇل ۇسىنىس مەملەكەتتٸك قىزمەتتەردٸ كٶرسەتۋ مەسەلەلەرٸ جٶنٸندەگٸ ۆەدومستۆوارالىق كوميسسييانىڭ وتىرىسىندا كٶتەرٸلدٸ. ٸشكٸ ٸستەر سالاسىندا مەملەكەتتٸك قىزمەتتەردٸ جەڭٸلدەتۋ مەسەلەسٸن كٶتەرۋ بارىسىندا ەسكەري بيلەتتەر سوعىس بولماعان جاعدايدا جەرگٸلٸكتٸ ەسكەري كوميسسارياتتا ساقتالاتىنى ايتىلدى.
ال ەسكەري مٸندەتتٸلٸك تۋرالى حابارلاما "ەلەكتروندى ٷكٸمەت" (Egov) پورتالىنداعى ازاماتتاردىڭ جەكە كابينەتٸنە جٸبەرٸلەتٸن بولادى. بۇل باستاما ارقىلى بيۋدجەتتٸڭ بٸراز قاجىسىن ٷنەمدەۋ كٶزدەلگەن.
سونىمەن قاتار ازاماتتار تۇرعىلىقتى جەرٸن اۋىستىرعان كەزدە ولاردى ەسكەري ەسەپكە اۆتوماتتى تٷردە قويۋ ۇسىنىلدى. تٸركەۋ كەزٸندە اقپارات اۆتوماتتى تٷردە دەرەكقورعا تٷسەدٸ دە, سول جەردەن ەسكەري ەسەپكە الىنادى.
جوباعا سەيكەس, ول ٷشٸن ازاماتتارعا ەسكەري كوميسسارياتقا بارمايدى. جالپى العاندا 16 مەملەكەتتٸك قىزمەتتٸ بٸردەن اۆتوماتتاندىرۋ ۇسىنىلدى.
سونىمەن قاتار بٸرقاتار مەملەكەتتٸك قىزمەتتەردٸ كومپوزيتتٸك تەسٸلمەن, ياعني "بٸر ٶتٸنٸش – مەملەكەتتٸك قىزمەتتەر كەشەنٸ" قاعيداتى بويىنشا كٶرسەتۋ جوباسىن ۇسىندى. سول ارقىلى ازامات ٶزٸن ەسكەري ەسەپكە قويۋدى ٶتٸنگەن كەزدە وعان اۆتوماتتى تٷردە حابارلاما جولدانادى. حابارلامادا "زاپاستاعى وفيتسەرلەرگە, سەرجانتتارعا, ساربازدارعا ەسكەري بيلەت نەمەسە ولاردىڭ تەلنۇسقاسىن بەرۋ" مەملەكەتتٸك قىزمەتٸن كٶرسەتۋ تۋرالى ايتىلادى.
ايتا كەتەيٸك, مەملەكەت باسشىسى قاسىم-جومارت توقاەۆ 2020 جىلعى قازاقستان حالقىنا جولداۋىندا بٸرقاتار قىزمەتتٸ تسيفرلىق فورماتقا اۋىستىرۋدى تاپسىردى.
