Maýsym aiynda Qazaqstandaǵy jyldyq infliatsiia 7,9%-ǵa jetti, dep habarlaidy "Ult aqparat".
Ulttyq bank maýsym aiyndaǵy infliatsiialyq kórsketkishter týraly aqparat jariialady. Ol boiynsha, maýsymda infliatsiia 1,1% bolǵan. Mamyr aiynda bul kórsetkish 0,7% bolǵan edi. Azyq-túlik taýarlarynyń baǵasy bir aida 1,7%-ǵa (mamyrda – 0,8%), azyq-túlikke jatpaityn taýarlardyń baǵasy 0,8%-ǵa (mamyrda – 0,6%), qyzmetter aqysy 0,7%-ǵa ósken (mamyrda – 0,7%).
«Jyldyq infliatsiia 7,9% qurady (mamyrda – 7,2%). Óńirler boiynsha ailyq infliatsiianyń jedeldeýi 14 óńirde, baiaýlaýy 2 óńirde baiqalyp, 1 óńirde baǵanyń ósý qarqyny ózgerissiz qaldy. Mańǵystaý oblysynda baǵanyń ósý qarqyny ózgerissiz qaldy (1,0%), al Jambyl jáne Túrkistan oblystarynda 0,8% jáne 0,9%-ǵa deiin baiaýlady. Maýsym aiynda infliatsiianyń eń joǵary ulǵaiýy Shyǵys Qazaqstan (1,5%), Atyraý (1,5%) jáne Soltústik Qazaqstan (1,4%), oblystarynda oryn aldy. Jyldyq infliatsiia 9 óńirde jalpy respýblikalyq deńgeiden joǵary boldy», - dep jazylǵan Ulttyq bank dereginde.
Ásirese Almaty qalasy men Almaty oblysynyń tutyný abǵasynyń indeksiniń ósýine qosyp otyrǵan úlesi eleýli bolyp tur. Bul óńirlerde baǵanyń ósýi 7,4% jáne 7,7% bolǵan.
Byltyrǵy jyldyń maýsym aiymen salystyrǵanda elde azyq-túlik taýarlary 10,6%-ǵa qymbattaǵan.
«Eń tómengi ósý Nur-Sultan qalasynda (8,6%), eń joǵary ósý – Qaraǵandy (12,3%), Atyraý jáne Shyǵys Qazaqstan (11,8% dan) oblystarynda baiqaldy. El boiynsha azyq-túlikke jatpaityn taýarlardyń baǵasy 6,9%-ǵa ósti. Azyq-túlikke jatpaityn taýarlar baǵasynyń eń joǵary ósýi Nur-Sultan qalasynda (7,7%), eń tómen ósýi – Pavlodar jáne Jambyl oblystarynda tirkeldi (sáikesinshe, 5,9% jáne 6,2%). Elimizde aqyly qyzmetter 5,6%-ǵa (mamyrda 5,1%-ǵa) qymbattady, Aqtóbe oblysynda baǵanyń ósýi 8,8% qurady, Qaraǵandy oblysynda aqyly qyzmetter baǵasy aitarlyqtai tómen qarqynmen ósti (4,5%)», - delingen Ulttyq bank málimetinde.
