ماۋسىم ايىندا قازاقستانداعى جىلدىق ينفلياتسييا 7,9%-عا جەتتٸ, دەپ حابارلايدى "ۇلت اقپارات".
ۇلتتىق بانك ماۋسىم ايىنداعى ينفلياتسييالىق كٶرسكەتكٸشتەر تۋرالى اقپارات جارييالادى. ول بويىنشا, ماۋسىمدا ينفلياتسييا 1,1% بولعان. مامىر ايىندا بۇل كٶرسەتكٸش 0,7% بولعان ەدٸ. ازىق-تٷلٸك تاۋارلارىنىڭ باعاسى بٸر ايدا 1,7%-عا (مامىردا – 0,8%), ازىق-تٷلٸككە جاتپايتىن تاۋارلاردىڭ باعاسى 0,8%-عا (مامىردا – 0,6%), قىزمەتتەر اقىسى 0,7%-عا ٶسكەن (مامىردا – 0,7%).
«جىلدىق ينفلياتسييا 7,9% قۇرادى (مامىردا – 7,2%). ٶڭٸرلەر بويىنشا ايلىق ينفلياتسييانىڭ جەدەلدەۋٸ 14 ٶڭٸردە, باياۋلاۋى 2 ٶڭٸردە بايقالىپ, 1 ٶڭٸردە باعانىڭ ٶسۋ قارقىنى ٶزگەرٸسسٸز قالدى. ماڭعىستاۋ وبلىسىندا باعانىڭ ٶسۋ قارقىنى ٶزگەرٸسسٸز قالدى (1,0%), ال جامبىل جەنە تٷركٸستان وبلىستارىندا 0,8% جەنە 0,9%-عا دەيٸن باياۋلادى. ماۋسىم ايىندا ينفلياتسييانىڭ ەڭ جوعارى ۇلعايۋى شىعىس قازاقستان (1,5%), اتىراۋ (1,5%) جەنە سولتٷستٸك قازاقستان (1,4%), وبلىستارىندا ورىن الدى. جىلدىق ينفلياتسييا 9 ٶڭٸردە جالپى رەسپۋبليكالىق دەڭگەيدەن جوعارى بولدى», - دەپ جازىلعان ۇلتتىق بانك دەرەگٸندە.
ەسٸرەسە الماتى قالاسى مەن الماتى وبلىسىنىڭ تۇتىنۋ ابعاسىنىڭ يندەكسٸنٸڭ ٶسۋٸنە قوسىپ وتىرعان ٷلەسٸ ەلەۋلٸ بولىپ تۇر. بۇل ٶڭٸرلەردە باعانىڭ ٶسۋٸ 7,4% جەنە 7,7% بولعان.
بىلتىرعى جىلدىڭ ماۋسىم ايىمەن سالىستىرعاندا ەلدە ازىق-تٷلٸك تاۋارلارى 10,6%-عا قىمباتتاعان.
«ەڭ تٶمەنگٸ ٶسۋ نۇر-سۇلتان قالاسىندا (8,6%), ەڭ جوعارى ٶسۋ – قاراعاندى (12,3%), اتىراۋ جەنە شىعىس قازاقستان (11,8% دان) وبلىستارىندا بايقالدى. ەل بويىنشا ازىق-تٷلٸككە جاتپايتىن تاۋارلاردىڭ باعاسى 6,9%-عا ٶستٸ. ازىق-تٷلٸككە جاتپايتىن تاۋارلار باعاسىنىڭ ەڭ جوعارى ٶسۋٸ نۇر-سۇلتان قالاسىندا (7,7%), ەڭ تٶمەن ٶسۋٸ – پاۆلودار جەنە جامبىل وبلىستارىندا تٸركەلدٸ (سەيكەسٸنشە, 5,9% جەنە 6,2%). ەلٸمٸزدە اقىلى قىزمەتتەر 5,6%-عا (مامىردا 5,1%-عا) قىمباتتادى, اقتٶبە وبلىسىندا باعانىڭ ٶسۋٸ 8,8% قۇرادى, قاراعاندى وبلىسىندا اقىلى قىزمەتتەر باعاسى ايتارلىقتاي تٶمەن قارقىنمەن ٶستٸ (4,5%)», - دەلٸنگەن ۇلتتىق بانك مەلٸمەتٸندە.
