Foto: Polisia.kz
Ishki ister ministrligi 20 qazan men 19 qarasha aralyǵynda respýblika boiynsha «Brakoner» jedel-profilaktikalyq is-sharasyn ótkizdi. Sharanyń maqsaty – tabiǵatty qorǵaý zańnamasynyń saqtalýyn baqylaý, brakonerlikti anyqtaý jáne jolyn kesý, dep habarlaidy Ult.kz.
Bir ai ishinde 4 000-nan astam quqyqbuzýshylyq tirkeldi, onyń ishinde 93 jaǵdaida qylmystyq is qozǵaldy.
Máselen, 25 qazanda Aqmola oblysy Egindikól aýdanynda tekseris kezinde kúdiktiniń kóliginen ruqsatsyz aýlanǵan 33 jabaiy qaz ben ańshylyq qarýy tabylyp, tárkilendi. Bul derek boiynsha zańsyz ańshylyq faktisimen qylmystyq is qozǵaldy.
Ákimshilik jaýapkershilikke tartylǵandar sany – 4 myńnan asady, onyń ishinde:
• ańshylyq erejesin buzǵany úshin – 2 myńnan astam adam;
• balyq aýlaý tártibin buzǵany úshin – 627 adam;
• ózge quqyqbuzýshylyqtar boiynsha – 685 adam.
Jalpy quny 39 mln teńgeden astam aiyppul salyndy.
Is-shara barysynda:
• 258 m³ zańsyz kesilgen aǵash,
• 4 tonnadan astam balyq,
• 255 dana kiik múiizi,
• 11,6 shaqyrym tyiym salynǵan tor,
• 358 dana ańshylyq qarýy (onyń ishinde tirkelmegen 120 qarý) tárkilendi.
IIM tabiǵatty qorǵaý zańnamalaryn qatań saqtaýǵa shaqyrady.
