فوتو: Polisia.kz
ٸشكٸ ٸستەر مينيسترلٸگٸ 20 قازان مەن 19 قاراشا ارالىعىندا رەسپۋبليكا بويىنشا «براكونەر» جەدەل-پروفيلاكتيكالىق ٸس-شاراسىن ٶتكٸزدٸ. شارانىڭ ماقساتى – تابيعاتتى قورعاۋ زاڭناماسىنىڭ ساقتالۋىن باقىلاۋ, براكونەرلٸكتٸ انىقتاۋ جەنە جولىن كەسۋ, دەپ حابارلايدى Ult.kz.
بٸر اي ٸشٸندە 4 000-نان استام قۇقىقبۇزۋشىلىق تٸركەلدٸ, ونىڭ ٸشٸندە 93 جاعدايدا قىلمىستىق ٸس قوزعالدى.
مەسەلەن, 25 قازاندا اقمولا وبلىسى ەگٸندٸكٶل اۋدانىندا تەكسەرٸس كەزٸندە كٷدٸكتٸنٸڭ كٶلٸگٸنەن رۇقساتسىز اۋلانعان 33 جابايى قاز بەن اڭشىلىق قارۋى تابىلىپ, تەركٸلەندٸ. بۇل دەرەك بويىنشا زاڭسىز اڭشىلىق فاكتٸسٸمەن قىلمىستىق ٸس قوزعالدى.
ەكٸمشٸلٸك جاۋاپكەرشٸلٸككە تارتىلعاندار سانى – 4 مىڭنان اسادى, ونىڭ ٸشٸندە:
• اڭشىلىق ەرەجەسٸن بۇزعانى ٷشٸن – 2 مىڭنان استام ادام;
• بالىق اۋلاۋ تەرتٸبٸن بۇزعانى ٷشٸن – 627 ادام;
• ٶزگە قۇقىقبۇزۋشىلىقتار بويىنشا – 685 ادام.
جالپى قۇنى 39 ملن تەڭگەدەن استام ايىپپۇل سالىندى.
ٸس-شارا بارىسىندا:
• 258 م³ زاڭسىز كەسٸلگەن اعاش,
• 4 توننادان استام بالىق,
• 255 دانا كيٸك مٷيٸزٸ,
• 11,6 شاقىرىم تىيىم سالىنعان تور,
• 358 دانا اڭشىلىق قارۋى (ونىڭ ٸشٸندە تٸركەلمەگەن 120 قارۋ) تەركٸلەندٸ.
ٸٸم تابيعاتتى قورعاۋ زاڭنامالارىن قاتاڭ ساقتاۋعا شاقىرادى.
