Taýarlar eksporty 2021 jylǵy 41,4 mlrd dollardan 2025 jyly 51,5 mlrd dollarǵa deiin ósedi. Bul týraly Senattyń jalpy otyrysynda eldiń 2021-2025 jyldarǵa arnalǵan áleýmettik-ekonomikalyq damý boljamyn baiandaǵan QR Ulttyq ekonomika ministri Rýslan Dálenov málim etti, dep habarlaidy QazAqparat.
«2021 jyly munai óndirý 86 mln tonnadan 2025 jyly 100,7 mln tonnaǵa deiin ósedi. Barlyq bazalyq salalarda oń ósim bar. Óńdeý ónerkásibi jylyna orta eseppen 6,7 paiyzǵa, ken óndirý ónerkásibi 2,9 paiyzǵa ósedi. Ortasha jyldyq ósý qarqyny aýyl sharýashylyǵynda 6,2 paiyzdy, saýdada 5,5 paiyzdy quraidy», - dedi ministr.
Onyń aitýynsha, taýarlar eksporty 2021 jylǵy 41,4 mlrd dollardan 2025 jyly 51,5 mlrd dollarǵa deiin ósedi. Import 2021 jylǵy 36,3 mlrd dollardan 2025 jyly 37,8 mlrd dollarǵa deiin ósedi.
«Áleýmettik-ekonomikalyq saiasattyń negizgi basymdyqtary investitsiialyq jáne biznes ahýaldy jaqsartý, sapaly adami kapital jáne teńgerimdi óńirlik damý bolady. Osy makroekonomikalyq kórsetkishter negizinde tiisti biýdjet parametrleriniń boljamy qalyptasty», - dedi R. Dálenov.
Respýblikalyq biýdjettiń kiristeri (transfertterdi esepke almaǵanda) 2021 jyly 6 trln 926 mlrd teńgeni, 2022 jyly – 8 trln 566 mlrd teńgeni, 2023 jyly – 9 trln 217 mlrd teńgeni quraidy.
Kepildendirilgen transfertti 2021 jyly – 2 trln 700 mlrd teńge, 2022 jyly – 2 trln 400 mlrd. teńge jáne 2023 jyly – 2 trln 200 mlrd teńge mólsherinde josparlanyp otyr.
2021 jyly Ulttyq qordan 1 trln teńge mólsherinde nysanaly transfertti tartý kózdeledi.
«Osylaisha, boljam boiynsha túsimder 2021 jyly 11,4 trln teńge, 2022 jyly – 11,8 trln teńge, 2023 jyly – 12 trln teńgeni quraidy», - dedi R. Dálenov.
Respýblikalyq biýdjettiń shyǵystary 2021 jyly 14 trln 049 mlrd teńge, 2022 jyly 13 trln 873 mlrd teńge, 2023 jyly 13 trln 889 mlrd teńge kóleminde boljanýda.
