© Sputnik / Abzal Kaliev
Qazaqstandyq sarapshylar jyl basynan beri jasalǵan qylmystar týraly aqparat jariialady.
Olarǵa sáikes, 2022 jyldyń alǵashqy tórt aiynda jasalǵan 20 myń qylmystyń 16 myńy turaqty jumys orny joq adamdarǵa tiesili. Qańtar-sáýir ailarynda elimizde 20 myń adam qylmystyq quqyqbuzýshylyq jasaǵan. Bul byltyrǵymen salystyrǵanda 1,9%-ǵa az, dep habarlaidy Sputnik Qazaqstan agenttigi finprom.kz portala silteme jasap.
"Onyń ishinde 3,8 myń adam qylmystyq teris qylyq jasasa, 7,2 myń adam — aýyrlyǵy ortasha qylmys, 5,4 myń adam — aýyr qylmys, 3,1 myń adam — onsha aýyr emes qylmys, 459 adam — asa aýyr qylmys jasaǵan", - delingen jariialanǵan zertteýde.
Anyqtalǵan qylmyskerler sany boiynsha:
1. Almaty oblysy - 2,4 myń adam
2. Almaty - 2,3 myń adam
3. Nur-Sultan - 1,7 myń adam.
Qylmyskerlerdiń eń azy Qyzylorda oblysynda - 436 adam.
Qylmysqa kóbinese er adamdar barady - 17,5 myń adam. Áielder nebári 2,5 myń adam. 454 qylmysker - kámeletke tolmaǵandar", - delingen zertteýde.
Sondai-aq, qujatta qylmys jasaǵan kezde 79,2% nemese 15,8 myń quqyqbuzýshy jumyssyz bolǵany aitylǵan. 381 adam - memlekettik qyzmetker, 339 — oqýshy, 261 - jeke kásipker boldy.
