© Sputnik / ابزال كاليەۆ
قازاقستاندىق ساراپشىلار جىل باسىنان بەرٸ جاسالعان قىلمىستار تۋرالى اقپارات جارييالادى.
ولارعا سەيكەس, 2022 جىلدىڭ العاشقى تٶرت ايىندا جاسالعان 20 مىڭ قىلمىستىڭ 16 مىڭى تۇراقتى جۇمىس ورنى جوق ادامدارعا تيەسٸلٸ. قاڭتار-سەۋٸر ايلارىندا ەلٸمٸزدە 20 مىڭ ادام قىلمىستىق قۇقىقبۇزۋشىلىق جاساعان. بۇل بىلتىرعىمەن سالىستىرعاندا 1,9%-عا از, دەپ حابارلايدى Sputnik قازاقستان اگەنتتٸگٸ finprom.kz پورتالا سٸلتەمە جاساپ.
"ونىڭ ٸشٸندە 3,8 مىڭ ادام قىلمىستىق تەرٸس قىلىق جاساسا, 7,2 مىڭ ادام — اۋىرلىعى ورتاشا قىلمىس, 5,4 مىڭ ادام — اۋىر قىلمىس, 3,1 مىڭ ادام — ونشا اۋىر ەمەس قىلمىس, 459 ادام — اسا اۋىر قىلمىس جاساعان", - دەلٸنگەن جارييالانعان زەرتتەۋدە.
انىقتالعان قىلمىسكەرلەر سانى بويىنشا:
1. الماتى وبلىسى - 2,4 مىڭ ادام
2. الماتى - 2,3 مىڭ ادام
3. نۇر-سۇلتان - 1,7 مىڭ ادام.
قىلمىسكەرلەردٸڭ ەڭ ازى قىزىلوردا وبلىسىندا - 436 ادام.
قىلمىسقا كٶبٸنەسە ەر ادامدار بارادى - 17,5 مىڭ ادام. ەيەلدەر نەبەرٸ 2,5 مىڭ ادام. 454 قىلمىسكەر - كەمەلەتكە تولماعاندار", - دەلٸنگەن زەرتتەۋدە.
سونداي-اق, قۇجاتتا قىلمىس جاساعان كەزدە 79,2% نەمەسە 15,8 مىڭ قۇقىقبۇزۋشى جۇمىسسىز بولعانى ايتىلعان. 381 ادام - مەملەكەتتٸك قىزمەتكەر, 339 — وقۋشى, 261 - جەكە كەسٸپكەر بولدى.
