QR energetika ministri Qanat Bozymbaev eldegi janarmai qory ishki suranysty qamtamasyz etýge jetetinin aitady, - dep habarlaidy "Ult aqparat" kaz.tengrinews.kz portalyna silteme jasap.
"AI-92 markaly benzini men dizel otyny baǵasyna retteýden bas tartý sheshimin óz ýaqytynda qabyldaý arqasynda janarmai tapshylyǵynyń qaýpi eń tómengi deńgeide. Sonymen qatar, AI-92 benzininiń baǵasy biylǵy qyrkúiekte byltyrǵy jylmen salystyrǵanda 3-4 teńgege qymbattady. Janarmai qory ishki suranysty qanaǵattandyrýǵa jetkilikti deńgeide. Dizel otyny baǵasyn memleket tarapynan ustap turýdan bas tartý dizel otynynyń syrtqa ketýine jol bermei, ony importtaýǵa múmkindik berdi. Dizel otynymyz kórshiles elderdiń barlyǵymen salystyrǵanda arzan", - dep málimdedi ministr QR Májilisinde ótken úkimet saǵaty barysynda.
Onyń aitýynsha, 11 qarasha kúni eldiń munai bazalarynda 101,9 myń tonna benzin men 10 myń tonna dizel otyny boldy.
Munyń aldynda Astanada "QazMýnaiGaz" janarmai quiý beketterinde AI-92 markaly benzindi qolma-qol satý toqtatylǵany habarlanǵan. Eń ótimdi benzin markasyn shekteýli túrde satý taǵy birqatar janarmai beketterinde baiqalady. Astana ákimi Áset Isekeshevtiń aitýynsha, benzindi tutyný temperatýranyń tym tómendep ketýine bailanysty artqan, qazirgi kezde "QazMýnaiGaz" AQ men qalanyń janarmai beketterinde AI-92 benzinin jetkizý júrip jatyr.
.jpeg)