Qazaqstanda qaitalama turǵyn úi rekordtyq deńgeide qymbattap ketti. Buǵan Ulttyq statistika biýrosynyń málimetteri dálel, - dep habarlaidy Tengrinews.kz tilshisi "Habar 24" telearnasyna silteme jasap.
Biýro málimetterine sensek, sharshy metrdiń quny birden 5,5 paiyzǵa ósken, bul keiingi segiz jyldaǵy eń joǵary kórsetkish boldy. Sonymen qatar, jańa ǵimarattarda ósim shamaly - 0,4 paiyz.
Bárinen buryn Nur-Sultandaǵy qaitalama jyljymaityn múlik baǵasy 10 paiyzǵa jýyqósken. Munda ortasha sharshy metri 590 myń teńge turady. Baǵa dinamikasy boiynsha Atyraý men Taldyqorǵan da antilider bolyp otyr. Almatyda páterler shamamen, úsh paiyzǵa qymbattaǵan.
Birinshi nesie biýrosynyń sarapshylary bul 20 aqpandaǵy derekter dep habarlaidy. Ýkrainadaǵy oqiǵalar men dollar baǵamynyń ósýi derekterde áli kórinis tapqan joq.
