«Otbasy banki» elimizde baspana baǵasyn turaqtandyratyn jobany qolǵa aldy. Bul týraly búgin turǵyn úi saiasatynyń jańa tásilderi qaralǵan Úkimet otyrysynda «Otbasy banki» basqarmasynyń tóraǵasy Lázzat Ibragimova aitty, dep habarlaidy «Ult aqparat».
«Qazir bank off-teik kelisimsharty boiynsha jeke qurylys salýshylarmen jumys júrgizedi. Jyljymaityn múlik baǵasynyń ósýine jol bermeý maqsatynda jeke qurylys salýshylarmen Nur-Sultan jáne Almaty qalalarynda memlekettik qarjylandyrýdy tartpai ilki jobany iske asyrý úshin ázirlenip jatyr», - dedi Lázzat Ibragimova.
Onyń aitýynsha, birjolǵy zeinetaqy tólemderin paidalaný boiynsha ipotekalyq qaryzdy óteýge – 35 myńnan astam ótinim; ipotekasyz turǵyn úi satyp alýǵa – 28 myńnan astam ótinim, týysqa jinaqtardy berýge 20 myńnan astam ótinim tústi. 2021 jylǵy 19 aqpandaǵy jaǵdaiǵa sáikes, zeinetaqy qorynan 564 mlrd teńge somasyna 98 myń ótinim jiberildi. 145 mlrd teńge somasyna 28 myń ótinim júzege asty.
