Qazaqstanda aýa raiynyń kúrt sýytýyna bailanysty barlyq baǵyttaǵy poiyzdyń jyldamdyǵy azaityldy. Osynyń saldarynan poiyzdar mejelengen jerlerine keshigip baratyn bolady, dep habarlaidy "Ult aqparat" «Jolaýshylar tasymaly» AQ baspasóz qyzmetine silteme jasap.
«Jolaýshylar tasymaly» AQ aýa raiynyń qatty sýytýyna bailanysty jolaýshylardyń qaýipsizdigin qamtamasyz etý maqsatynda barlyq baǵyttaǵy poiyzdyń jyldamdyǵyn azaitý týraly sheshim qabyldady», - delingen juma kúni taratylǵan habarlamada.
Munymen qatar, atalǵan AQ baspasóziniń ókilderi «Poiyzdardyń osy sebeptermen keshigýine bailanysty jolaýshylardan túsinistik tanytýlaryn suraimyz», - dep qosty.
Dál qazir poiyzdaǵy jylý júiesi men jolaýshylar vagonyndaǵy aýa temperatýrasy qatań baqylaýǵa alynǵan.
