قازاقستاندا اۋا رايىنىڭ كٷرت سۋىتۋىنا بايلانىستى بارلىق باعىتتاعى پويىزدىڭ جىلدامدىعى ازايتىلدى. وسىنىڭ سالدارىنان پويىزدار مەجەلەنگەن جەرلەرٸنە كەشٸگٸپ باراتىن بولادى, دەپ حابارلايدى "ۇلت اقپارات" «جولاۋشىلار تاسىمالى» اق باسپاسٶز قىزمەتٸنە سٸلتەمە جاساپ.
«جولاۋشىلار تاسىمالى» اق اۋا رايىنىڭ قاتتى سۋىتۋىنا بايلانىستى جولاۋشىلاردىڭ قاۋٸپسٸزدٸگٸن قامتاماسىز ەتۋ ماقساتىندا بارلىق باعىتتاعى پويىزدىڭ جىلدامدىعىن ازايتۋ تۋرالى شەشٸم قابىلدادى», - دەلٸنگەن جۇما كٷنٸ تاراتىلعان حابارلامادا.
مۇنىمەن قاتار, اتالعان اق باسپاسٶزٸنٸڭ ٶكٸلدەرٸ «پويىزداردىڭ وسى سەبەپتەرمەن كەشٸگۋٸنە بايلانىستى جولاۋشىلاردان تٷسٸنٸستٸك تانىتۋلارىن سۇرايمىز», - دەپ قوستى.
دەل قازٸر پويىزداعى جىلۋ جٷيەسٸ مەن جولاۋشىلار ۆاگونىنداعى اۋا تەمپەراتۋراسى قاتاڭ باقىلاۋعا الىنعان.
